Sports
അനെല്‍കയുടെ വിലക്ക് തുടരും
പനാജി: ഫ്രഞ്ച് സ്‌ട്രൈക്കര്‍ നികോളാസ് അനെല്‍കക്ക് ഇംഗ്ലണ്ടിലെ ഫുട്‌ബോള്‍ അസോസിയേഷന്‍ (എഫ് എ) ഏര്‍പ്പെടുത്തിയ വിലക്ക് ഇന്ത്യന്‍ സൂപ്പര്‍ ലീഗിലും ബാധകമാണെന്ന് ഫിഫ അറിയിച്ചു. ഇതോടെ, മുംബൈ എഫ് സിയില്‍ അനെല്‍കയുടെ അരങ്ങേറ്റം ചെന്നൈയില്‍ ഈ മാസം 28നാകും.
കഴിഞ്ഞ സീസണില്‍ ഇംഗ്ലീഷ് പ്രീമിയര്‍ ലീഗില്‍ കളിക്കുമ്പോള്‍ നാസി അനുകൂല രീതിയില്‍ ഗോള്‍ ആഘോഷം നടത്തിയതിനാണ് അനെല്‍കക്ക് എഫ് എ അഞ്ച് മത്സരങ്ങളില്‍ വിലക്കേര്‍പ്പെടുത്തിയത്. പ്രീമിയര്‍ ലീഗില്‍ രണ്ട് മത്സരങ്ങളില്‍ വിലക്ക് നേരിട്ട അനെല്‍കയെ വെസ്‌ബ്രോംവിച് ക്ലബ്ബ് പുറത്താക്കുകയും ചെയ്തു.
തുടര്‍ന്നാണ്, ഐ എസ് എല്ലില്‍ മുംബൈ എഫ് സിയിലെത്തിയത്. മൂന്ന് മത്സരങ്ങളില്‍ വിലക്ക് അവശേഷിക്കുന്ന അനെല്‍കയെ ഐ എസ് എല്ലില്‍ കളിപ്പിക്കാന്‍ മുംബൈ എഫ് സി നീക്കം നടത്തിയിരുന്നു. എന്നാല്‍ എഫ് എ അധികൃതര്‍ ഫിഫക്ക് പരാതി നല്‍കിയതോടെ മുംബൈക്ക് തിരിച്ചടിയേറ്റു. കളിക്കാര്‍ ട്രാന്‍സ്ഫര്‍ ആയി പോയാലും ഫുട്‌ബോള്‍ അസോസിയേഷനുകള്‍ ഏര്‍പ്പെടുത്തുന്ന വിലക്ക് നിലനില്‍ക്കുമെന്ന് ഫിഫ അഖിലേന്ത്യാ ഫുട്‌ബോള്‍ ഫെഡറേഷനെ അറിയിച്ചു.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
