Techno
ജീവനക്കാരികളുടെ അണ്ഡം ശീതീകരിച്ച് സൂക്ഷിക്കും; പുതിയ ഓഫറുമായി ഫെയ്സ്ബുക്ക്
ന്യൂയോര്‍ക്ക്: തങ്ങളുടെ തൊഴിലാളികളുടെ സേവനം സമ്പൂര്‍ണമായും കമ്പനിക്ക് ലഭ്യമാക്കുന്നതിനും അവരെ സന്തോഷിപ്പിക്കുന്നതിനും പലവിധ വാഗ്ദാനങ്ങള്‍ കോര്‍പറേറ്റ് കമ്പനികള്‍ നല്‍കാറുണ്ട്. ഭക്ഷണം, വസ്ത്രമലക്കല്‍, മസാജിംഗ്, തുടങ്ങി എല്ലാം കമ്പനി ചിലവില്‍ നല്‍കാറുണ്ട്. എന്നാല്‍ പതിവ് വാഗ്ദാനങ്ങളില്‍ നിന്നെല്ലാം ഭിന്നമായി വ്യത്യസ്തമായ ഓഫറുമായി രംഗത്തെത്തിയിരിക്കുകയാണ് ടെക്‌നോളജി രംഗത്തെ അതികായകന്‍മാരായ ആപ്പിളും ഫെയ്‌സ്ബുക്കും.
ജീവനക്കാരുടെ വന്ധ്യതാ ചികില്‍സക്കായി 20000 ഡോളര്‍ എകദേശം 12 ലക്ഷത്തിലധികം രൂപയാണ് ഫെയ്സ്ബുക്ക് മാറ്റിവെച്ചിരിക്കുന്നത്. അണ്ഡവും ബീജവും ശീതീകരിച്ച് സൂക്ഷിക്കാനാവശ്യമായ ചിലവും ഇനി കമ്പനികള്‍ വഹിക്കും.
സ്ത്രീ ജീവനക്കാരികള്‍ക്കാണ് കമ്പനികള്‍ മുന്‍ഗണന നല്‍കുന്നത്. സ്ത്രീകളെ സംബന്ധിച്ചടത്തോളം കരിയറിലെ വളര്‍ച്ചയും പ്രത്യുല്‍പാദനപരമായ ബയോളജിക്കല്‍ ക്ലോക്കും വരുന്നത് ഏകദേശം ഒരേ കാലത്താണ്. അതിനാല്‍ പ്രസവവും തുടര്‍ന്നുള്ള വിശ്രമവും കൂടുതല്‍ ബാധിക്കുന്നത് സ്ത്രീകളുടെ കരിയറിനെയാണ്. അതേസമയം അണ്ഡം ശീതീകരിച്ച് സൂക്ഷിക്കുകയാണെങ്കില്‍ ജോലിയില്‍ ഉന്നത സ്ഥാനത്തെത്തിയതിന് ശേഷം പ്രസവത്തിന് പ്രായമോ ആര്‍ത്തവ വിരാമമോ തടസ്സമാവില്ലെന്നാണ് കമ്പനികള്‍ പറയുന്നത്.
Latest
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
വെറുപ്പിനെ പരാജയപ്പെടുത്തി രാജ്യത്തിന്റെ മുക്കിലും മൂലയിലും സ്‌നേഹത്തിന്റ കട തുറക്കണമെന്ന് രാഹുല്‍ ഗാന്ധി
ലോക്‌സഭാ തിരഞ്ഞെടുപ്പ്: തമിഴ്നാട്ടില്‍ ആദ്യഘട്ടത്തില്‍ വോട്ട് ചെയ്ത് താരങ്ങളും പ്രമുഖരും
