Palakkad
ആദിവാസി യുവതി കൊലപ്പെട്ട സംഭവം; ഭര്‍ത്താവ് അറസ്റ്റില്‍
അഗളി: ഷോളയൂര്‍ പഞ്ചായത്തില്‍ തേക്കുമുക്കിയൂരില്‍ ആദിവാസി യുവതി വള്ളി കൊലചെയ്യപ്പെട്ട കേസില്‍ ഭര്‍ത്താവ് തേക്കുമുക്കിയൂരില്‍ രങ്കസ്വാമി (55)യെ അഗളി പോലീസ് അറസ്റ്റ് ചെയ്തു.
ഇക്കഴിഞ്ഞ ബുധനാഴ്ച രാവിലെ ഊരുനിവാസികളാണ് വള്ളി വീടിനുള്ളില്‍ മരിച്ച നിലയില്‍ കണ്ടത്. സ്ഥിരമദ്യപാനിയായ രങ്കസ്വാമി നിരന്തരം ഭാര്യയെ പീഡിപ്പിച്ചിരുന്നു. സംഭവദിവസം ക്രൂരമായ മര്‍ദനമേറ്റാണ് വള്ളി മരിച്ചത്.
രക്തത്തില്‍ കുളിച്ചനിലയിലായിരുന്നു മൃതദേഹം. തലയിലേറ്റ മാരകമായ ക്ഷതമാണ് മരണകാരണമെന്ന് പോലീസ് പറഞ്ഞു.
ആറ് വര്‍ഷം മുമ്പ് വിവാഹിതരായ ഇവര്‍ക്ക് ഈ ബന്ധത്തില്‍ മക്കളില്ല. ഇരുവരും വേറെ വിവാഹം കഴിച്ചിരുന്നവരാണ്.സംഭവദിവസംതന്നെ രങ്കസ്വാമിയെ പോലീസ് കസ്റ്റഡിയിലെടുത്തിരുന്നു. തുടര്‍ന്നുനടന്ന അന്വേഷണത്തില്‍ പ്രതികുറ്റംസമ്മതിച്ചതായി പോലീസ് പറഞ്ഞു.
അഗളി സി ഐ. പി എം മനോജിന്റെ നേതൃത്വത്തില്‍ ഷോളയൂര്‍ എസ് ഐ പി കെ മോഹനന്‍, അസിസ്റ്റന്റ് എസ് ഐമാരായ അസീസ്, ചന്ദ്രന്‍, സി പിഒമാരായ സുന്ദരി, ശ്രീജിത്, റഷീദ്, രാംദാസ് എന്നിവരടങ്ങിയ സംഘമാണ് അന്വേഷണം നടത്തുന്നത്.
Latest
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ല,പറഞ്ഞത് പോസ്റ്റർ പ്രചരിക്കുന്നുവെന്ന്; കെകെ ശൈലജ
മണിപ്പൂരിലെ പോളിങ് ബൂത്തിലുണ്ടായ വെടിവെപ്പില്‍ മൂന്ന് പേര്‍ അറസ്റ്റില്‍
ജോലി വാഗ്ദാനം ചെയ്ത് ഏഴരക്കോടി തട്ടിയെടുത്തു; യുവാവ് അറസ്റ്റില്‍
ചോക്ലേറ്റ് സമ്മാനപ്പെട്ടിയുടെ അകത്ത് സ്വര്‍ണം ഒളിപ്പിച്ച യാത്രക്കാരന്‍ അറസ്റ്റില്‍
സംസ്ഥാനത്ത് വേനല്‍ മഴ തുടരും; ഇടിമിന്നലിനും സാധ്യത
