Kozhikode
വിദ്യാര്‍ഥികള്‍ എലിയോട്മല സംരക്ഷണകവചം തീര്‍ത്തു
അത്തോളി: പ്രകൃതിസമ്പത്ത് നശിപ്പിക്കുന്ന ചെങ്കല്‍ ഖനനം അവസാനിപ്പിച്ച് പ്രകൃതിയെ സംരക്ഷിക്കാന്‍ തയ്യാറാകണമെന്ന് പരിസ്ഥിതിപ്രവര്‍ത്തകന്‍ പ്രൊഫ. ടി കെ ശോഭീന്ദ്രന്‍. അത്തോളി ഹയര്‍സെക്കന്‍ഡറി സ്‌കൂളിലെ ഹരിതസ്പര്‍ശം ക്ലബ്ബ് സംഘടിപ്പിച്ച എലിയോട് മല സംരക്ഷണ കവചം പരിപാടിയില്‍ സംസാരിക്കുകയായിരുന്നു അദ്ദേഹം. മലയുടെ നാല് ഭാഗങ്ങളിലെയും കിണറുകളിലും കുളങ്ങളിലും വെള്ളം സംഭരിക്കുന്ന എലിയോട് മലയുടെ നാശമായിരിക്കും ചെങ്കല്‍ ഖനനം കൊണ്ട് സംഭവിക്കുക. എലിയോട് മലയുടെ നാശം പരിസരങ്ങളിലെ പാരിസ്ഥിതിക പ്രശ്‌നത്തിന് കാരണമാകും. കുറ്റിക്കാടുകള്‍ക്കും വള്ളിക്കാട്ടുകാവിലെ വാനരന്‍മാരുടെ ജീവനും നാശം സംഭവിക്കും. പ്രകൃതിയുടെ സമ്പത്ത് എന്നന്നേക്കുമായി നശിപ്പിച്ച് ചിലരുടെ സാമ്പത്തിക ലാഭം അംഗീകരിക്കാന്‍ കഴിയില്ല. വിദ്യാര്‍ഥികള്‍ക്ക് പ്രകൃതി സംരക്ഷണ പ്രതിജ്ഞ പ്രൊഫ. ടി കെ ശോഭീന്ദ്രന്‍ ചൊല്ലിക്കൊടുത്തു. അഭിലാഷ്, അജിത്കുമാര്‍, ടി കെ വിജയന്‍, അനീഷ്, സുനില്‍കുമാര്‍, ബഷീര്‍, സിന്ധു സംബന്ധിച്ചു.
Latest
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
