National
യു എസ് സന്ദര്‍ശനത്തിന് മോദി പുറപ്പെട്ടു
ന്യൂഡല്‍ഹി: പഞ്ചദിന സന്ദര്‍ശനത്തിനായി പ്രധാനമന്ത്രി നരേന്ദ്ര മോദി അമേരിക്കയിലേക്ക് പുറപ്പെട്ടു. ഭരണാധികാരികളെയും വ്യവസായികളെയും പൊതു നേതാക്കളെയും കാണുന്നതിന് പുറമെ യു എന്‍ പൊതുസഭയില്‍ പ്രസംഗിക്കുക തുടങ്ങിയ ബൃഹത് പദ്ധതികളാണ് മോദിയുടെ സന്ദര്‍ശനത്തിലുള്ളത്. ഹിന്ദിയിലാകും പൊതു സഭയെ അഭിസംബോധന ചെയ്യുക. ഇന്ന് യു എസ് പ്രസിഡന്റ് ബരാക് ഒബാമയുമായി കൂടിക്കാഴ്ച നടത്തും.
അമേരിക്കയിലുള്ള വിദേശകാര്യ മന്ത്രി സുഷമാ സ്വരാജ് മോദിയുടെ പ്രതിനിധി സംഘത്തില്‍ ചേരും. നാളെയാണ് യു എന്‍ പൊതുസഭയെ മോദി അഭിസംബോധന ചെയ്യുക. യു എന്‍ സെക്രട്ടറി ജനറല്‍ ബാന്‍ കി മൂണിനെ അതിന് മുമ്പായി കാണും. ഇന്ത്യന്‍ അമേരിക്കന്‍ സമൂഹം മഡിസണ്‍ സ്‌ക്വയര്‍ ഗാര്‍ഡനില്‍ നല്‍കുന്ന സ്വീകരണമാണ് ന്യൂയോര്‍ക്കിലെ ആകര്‍ഷകമായ പരിപാടി. വേള്‍ഡ് ട്രേഡ് സെന്റര്‍ ആക്രമണത്തിലെ ഇരകള്‍ക്ക് ആദരാഞ്ജലികള്‍ അര്‍പ്പിക്കും. 29ന് മുന്‍ പ്രസിഡന്റ് ബില്‍ ക്ലിന്റനെയും മുന്‍ വിദേശകാര്യ സെക്രട്ടറി ഹിലാരി ക്ലിന്റനെയും കാണും. തുടര്‍ന്ന് ഒബാമയുമായി നയതന്ത്ര കൂടിക്കാഴ്ച നടത്തും. വ്യാപാരം, നിക്ഷേപം, ശാസ്ത്രം, സാങ്കേതിക വിദ്യ, പ്രതിരോധം, സമുദ്ര സുരക്ഷ അടക്കമുള്ള പ്രധാന വിഷയങ്ങളാണ് ചര്‍ച്ച ചെയ്യുക.
Latest
മുഖ്യമന്ത്രി പിണറായി വിജയനെതിരെ അതിരൂക്ഷ വിമര്‍ശനവുമായി രാഹുല്‍ ഗാന്ധി
മുട്ടിന് പരിക്ക് ; മലയാളി താരം എം ശ്രീശങ്കര്‍ പാരീസ് ഒളിംപിക്‌സില്‍ നിന്ന് പിന്മാറി
പിറവത്ത് റോഡിന്റെ സംരക്ഷണ ഭിത്തി കെട്ടുന്നതിനിടെ മണ്ണിടിച്ചില്‍; മണ്ണിനടിയില്‍ കുടുങ്ങിയവരെ രക്ഷപ്പെടുത്തി
കെകെ ശൈലജക്കെതിരായ അശ്ലീല പ്രചാരണത്തില്‍ പ്രതികരിച്ച് മുഖ്യമന്ത്രി പിണറായി വിജയന്‍
ഫോര്‍ട്ട്‌ കൊച്ചിയില്‍ ഫലസ്തീന്‍ ഐക്യദാര്‍ഢ്യ പോസ്റ്ററുകള്‍ നശിപ്പിച്ച വിദേശ വനിതയ്ക്ക് ജാമ്യം
ഒല്ലൂരില്‍ തീവണ്ടിയില്‍നിന്ന് വീണ് യുവാവ് മരിച്ചു
