Kozhikode
നാദാപുരത്ത് തുണിക്കട കത്തിനശിച്ചു
നാദാപുരം: ബസ് സ്റ്റാന്‍ഡിനടുത്തുള്ള ന്യൂ അല്‍ഷാന്‍ വെഡ്ഡിങ്ങ് വസ്ത്രാലയം കത്തിനശിച്ചു. ഒരു കോടിയോളം രൂപയുടെ നഷ്ടം കണക്കാക്കുന്നു. ഇന്നലെ പുലര്‍ച്ച അഞ്ച് മണിയോടെയാണ് സംഭവം. കണ്‍ട്രോള്‍ റൂം പോലീസും ചേലക്കാട് സ്റ്റേഷന് ഓഫീസര്‍ ഷാജഹാന്‍, വടകര സ്റ്റേഷന് ഓഫീസര്‍ സത്യവത്സലന്‍ എന്നിവരുടെ നേതൃത്വത്തില്‍ മൂന്ന് യൂനിറ്റ് സേനയുമെത്തി മൂന്നര മണിക്കൂര്‍ കൊണ്ടാണ് തീ നിയന്ത്രിച്ചത്.
രണ്ട് നിലകളിലായി പത്ത് മുറികളില്‍ സൂക്ഷിച്ച വസ്ത്രങ്ങളാണ് കത്തിനശിച്ചത്. എ സി, ജനറേറ്റര്‍, കംപ്യൂട്ടറുകള്‍, ഫര്‍ണീച്ചറുകള്‍ ഉള്‍പ്പെടെ അഗ്നിക്കിരയായി.
വടകര സ്‌പെഷ്യല്‍ ബ്രാഞ്ച് ഡി വൈ എസ് പി.വി പി സുരേന്ദ്രന്‍, കണ്‍ട്രോള്‍ റൂം ഡി വൈ എസ് പി. എം കെ ഗോപാലകൃഷ്ണന്‍, സി ഐ. എ എസ് സുരേഷ് കുമാര്‍ എന്നിവരുടെ നേതൃത്വത്തില്‍ പോലീസും സ്ഥലത്തെത്തിയിരുന്നു. കോഴിക്കോട് നിന്നെത്തിയ സയന്റിഫിക്ക് അസിസ്റ്റന്റ് കെ കെ രമ്യ തെളിവുകള്‍ ശേഖരിച്ചു. ഡോഗ് സ്‌ക്വാഡും പരിശോധന നടത്തി.
നാദാപുരത്തെ താഴെ കൊയിലോത്ത് കുഞ്ഞമ്മദ്, സി പി അബ്ദുല്‍ നാസര്‍, ഇസ്മാഈല്‍, പി കെ മഹമൂദ്, പി കെ അയൂബ് എന്നിവരുടെ ഉടമസ്ഥതയിലുള്ളതാണ് തുണിക്കട. കട കത്തിച്ചതാണെന്നാരോപിച്ച് വ്യാപാരികള്‍ ടൗണില്‍ ഉച്ച വരെ ഹര്‍ത്താലാചരിച്ചു.
Latest
ധ്രുവ് റാഠി എന്ന മാധ്യമ പ്രതിപക്ഷം
ഇ വി എമ്മിന്റെ വിശ്വാസ്യത വോട്ടര്‍മാര്‍ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല്‍ ബോംബ് കണ്ടെയ്‌നര്‍ കണ്ടെത്തി
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
