Gulf
സ്ഥലനാമം: ബോര്‍ഡ് സ്ഥാപിക്കല്‍ അന്തിമഘട്ടത്തില്‍
അബുദാബി: നഗര പരിഷ്‌ക്കരണത്തിന്റെ ഭാഗമായി നഗരസഭ നടപ്പിലാക്കുന്ന സ്ഥലനാമ ബോര്‍ഡ് സ്ഥാപിക്കല്‍ അന്തിമഘട്ടത്തില്‍. അബുദാബി നഗരസഭയുടെ പരിധിയിലാണ് സ്ഥലങ്ങള്‍ തിരിച്ചറിയുന്നതിന് റോഡുകളില്‍ ബോര്‍ഡുകള്‍ സ്ഥാപിക്കുന്നത് യു എ ഇയിലെ പഴയകാല നേതാക്കളോടുള്ള ആദര സൂചകമായി റോഡുകള്‍ക്ക് നേതാക്കന്മാരുടെ പേരുകളാണ് ബോര്‍ഡില്‍ നല്‍കുന്നത്. അബുദാബിയില്‍ റോഡുകള്‍ നമ്പറുകള്‍ തിരിച്ചാണ് ഇത്രയും കാലം അറിഞ്ഞിരുന്നത്. ഇത് വിദേശ ടൂറിസ്റ്റുകള്‍ക്ക് ഏറെ ബുദ്ധിമുട്ട് സൃഷ്ടിച്ചിരുന്നു. ഇതാണ് റോഡുകള്‍ക്ക് നമ്പറുകള്‍ക്ക് പകരം പേരുകള്‍ നല്‍കുന്നതിനുള്ള കാരണം.
അബുദാബി നഗരത്തിലെ റോഡുകള്‍ ജി പി എസ് സംവിധാനവുമായി യോജിപ്പിച്ചാണ് പേരുകള്‍ നല്‍കിയിട്ടുള്ളത്. ഓരോ സ്ഥലത്തിനും, മേല്‍വിലാസത്തിനും പ്രത്യേകം ബാര്‍കോഡുകളും നല്‍കിയിട്ടുണ്ട്. ദൂരസ്ഥലങ്ങളില്‍ നിന്ന് അബുദാബി നഗരത്തിലെത്തുന്നവര്‍ക്ക് ലക്ഷ്യസ്ഥാനത്ത് എത്തുന്നതിന് ബാര്‍കോഡും ജി പി എസ് സംവിധാനവും ഏറെ ഉപകാരപ്രദമാകും.
പുറപ്പെടുന്ന സ്ഥലത്ത് നിന്നും വാഹനത്തില്‍ ജി പി എസ് സംവിധാനത്തില്‍ ബാര്‍കോഡ് നല്‍കിയാല്‍ വാഹനം ലക്ഷ്യസ്ഥാനത്ത് എത്തുന്നതിന് എളുപ്പമാകും. നഗരപരിധിയിലെ പ്രധാന സ്ഥലങ്ങളിലെല്ലാം പുതിയ ബോര്‍ഡുകള്‍ സ്ഥാപിച്ചു കഴിഞ്ഞു.
Latest
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
