Malappuram
ഏഷ്യന്‍ ഓപണ്‍ കരാട്ടെ ചാമ്പ്യന്‍ഷിപ്പില്‍ മലയാളിയും
എടപ്പാള്‍: മലേഷ്യയിലെ കോലാലംപൂരില്‍ 20ന് നടക്കുന്ന ഏഷ്യന്‍ ഓപ്പണ്‍ കരാട്ടെ ഫുള്‍ കോണ്ടാക്ട് ചാമ്പ്യന്‍ഷിപ്പിലേക്ക് മലയാളിക്കും ക്ഷണം. മലപ്പുറം ജില്ലയിലെ തവനൂര്‍ സ്വദേശിയായ പി ബി രഞ്ജിത്താണ് ലോക കരാട്ടെ സംഘടനയായ ഡബ്ല്‌യു കെ ഒയുടെ ജപ്പാന്റെ ക്ഷണപ്രകാരം യാത്രതിരിക്കുന്നത്. രഞ്ജിത്തിനെ കൂടാതെ ഒറീസ്സയില്‍ നിന്ന് ഒരാളും കല്‍ക്കത്തയില്‍ നിന്ന് മറ്റൊരാളും പങ്കെടുക്കുന്നുണ്ട്. 20 പരം രാജ്യങ്ങളില്‍ നിന്ന് തിരഞ്ഞെടുക്കപ്പെട്ട ഫൈറ്റര്‍മാര്‍ പങ്കെടുക്കും. ഇന്ത്യയില്‍ നിന്നുളളവരെ തിരഞ്ഞെടുക്കല്‍ ഡബ്ല്‌യു കെ ഒ ഇന്ത്യന്‍ ചീഫായ ശിവജി ഗാംഗുലിയുടെ നേതൃത്വത്തില്‍ ഒറീസ്സയിലെ പുരിയില്‍ വച്ചാണ് നടന്നത്. നൂറില്‍പ്പരം ഫൈറ്റര്‍മാര്‍ പങ്കെടുത്തതില്‍ മൂന്ന് പേര്‍ക്ക് മാത്രമാണ് മലേഷ്യയിലേക്ക് യോഗ്യത ലഭിച്ചത്. തവനൂര്‍ പുളിയത്ത് പരേതനായ ബാലന്റേയും യശോദയുടേയും മൂത്ത മകനാണ് രഞ്ജിത്ത്. സൗദി അറേബ്യയില്‍ സി ഐ ഡി ക്യാമ്പില്‍ കരാട്ടെ മാസ്റ്ററായി മൂന്ന് വര്‍ഷം ജോലി ചെയ്തു. പിന്നീട് യു എ ഇയില്‍ പൊലീസ് അക്കാദമിയില്‍ പ്രൈവറ്റ് കോച്ചായി ആറു വര്‍ഷത്തോളം ജോലി ചെയ്തു. ഇപ്പോള്‍ തവനൂര്‍ ഗവ. സ്‌കൂളിലും ഐഡിയല്‍ സ്‌കൂള്‍ കടകശ്ശേരി, പൊന്നാനി ഗേള്‍സ് ഹൈസ്‌കൂള്‍, മോഡേണ്‍ സ്‌കൂള്‍ പോട്ടൂര്‍ തുടങ്ങിയവിടങ്ങളിലും കൂടാതെ തന്റെ സ്വന്തം സ്ഥാപനമായ ബോധിധര്‍മ്മ മാര്‍ഷലാസ് അക്കാദമിയിലും കരാട്ടെപഠിപ്പിച്ചുവരുന്നു.
Latest
ഫോര്‍ട്ട്‌ കൊച്ചിയില്‍ ഫലസ്തീന്‍ ഐക്യദാര്‍ഢ്യ പോസ്റ്ററുകള്‍ നശിപ്പിച്ച വിദേശ വനിതയ്ക്ക് ജാമ്യം
ഒല്ലൂരില്‍ തീവണ്ടിയില്‍നിന്ന് വീണ് യുവാവ് മരിച്ചു
വോട്ടര്‍മാര്‍ക്ക് പണം വിതരണം ചെയ്യുന്നുവെന്ന രഹസ്യവിവരം; ബിജെപി പ്രവര്‍ത്തകന്‍ കോയമ്പത്തൂരില്‍ അറസ്റ്റില്‍
നടന്‍ സല്‍മാന്‍ ഖാന്റെ വീടിനു നേരെ വെടിവെപ്പ്; ഭയപ്പെടുത്തുക മാത്രമാണ് പ്രതികള്‍ ഉദ്ദേശിച്ചിരുന്നതെന്ന് പോലീസ്
കാസര്‍ഗോഡ്‌ മോക് പോളിനിടെ ബി ജെ പിക്ക് അധിക വോട്ട്: വിഷയത്തില്‍ സുപ്രീംകോടതി ഇടപെട്ടു
സില്‍വര്‍ ലൈന്‍ പദ്ധതി അട്ടിമറിക്കാന്‍ കൈക്കൂലി: വി ഡി സതീശനെതിരെ അന്വേഷണം ആവശ്യപ്പെട്ട ഹര്‍ജി തള്ളി
