Gulf
ഡി സി ആര്‍ സി സൂക്ഷിക്കുന്നത് 3377 വിത്തു കോശങ്ങള്‍
ദുബൈ: ഡി സി ആര്‍ സി(ദുബൈ കോര്‍ഡ് ബ്ലഡ് ആന്‍ഡ് റിസേര്‍ച്ച് സെ ന്റര്‍) 3,377 വിത്തു കോശങ്ങള്‍ സൂക്ഷിക്കുന്നതായി അധികൃതര്‍ വെളിപ്പെടുത്തി. ഡി എച്ച് എക്ക് കീഴില്‍ പ്രവര്‍ത്തിക്കുന്ന സ്ഥാപനമാണ് ഡി സി ആര്‍ സി. 2006ല്‍ സെന്റര്‍ സ്ഥാപിതമായത് മുതലാണ് ഇത്രയും വിത്തു കോശങ്ങള്‍ ജീവന്‍ രക്ഷിക്കാനായി സൂക്ഷിച്ചു വരുന്നതെന്ന് ഡി സി ആര്‍ സി ഹെഡ് കരീമ സലീം വെളിപ്പെടുത്തി. വിത്തുകോശങ്ങളെക്കുറിച്ച് ജനങ്ങളില്‍ അവബോധം വര്‍ധിക്കുന്നതായാണ് ഇതില്‍ നിന്നും ബോധ്യപ്പെടുന്നത്. ജനിതക വൈകല്യങ്ങളായ രക്താര്‍ബുദം, താലസീമിയ തുടങ്ങിയ രോഗങ്ങളുടെ ചികിത്സക്കായാണ് ഇവ ഉപയോഗിക്കുന്നത്. ഈ കാലയളവിനിടയില്‍ ഒമ്പത് വിത്തു കോശങ്ങള്‍ അവകാശികള്‍ക്ക് വിതരണം ചെയ്തു. രക്താര്‍ബുദം, താലസീമിയ രോഗങ്ങള്‍ ബാധിച്ച കുട്ടികളുടെ ചികത്സക്കായാണ് ഇവ നല്‍കിയതെന്നും ചികിത്സയില്‍ 80 ശതമാനം രോഗികളും സുഖപ്പെട്ടതായും കരീമ സലീം വ്യക്തമാക്കി.
ഡി സി ആര്‍ സി കുടുംബങ്ങളോട് വിത്ത് കോശം നല്‍കാന്‍ ബോധവത്ക്കരണം ഉള്‍പ്പെടെയുള്ളവ സംഘടിപ്പിക്കുന്നുണ്ട്. ഇതിന് ലഭിച്ച മികച്ച പ്രതികരണമാണ് വിത്തുകോശങ്ങള്‍ ആവശ്യമാവുന്ന ഘട്ടം വരെ ഡി സി ആര്‍ സിയില്‍ സൂക്ഷിക്കാന്‍ ആളുകള്‍ ഏല്‍പ്പിക്കുന്നതെന്നും അവര്‍ പറഞ്ഞു.
Latest
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
