International
ഇറാഖ് റഷ്യയില്‍ നിന്ന് പോര്‍വിമാനങ്ങള്‍ വാങ്ങി
ബഗ്ദാദ്: ഇസ്‌ലാമിക് സ്റ്റേറ്റ് ഓഫ് ഇറാഖ് ആന്‍ഡ് ലെവന്ത്(ഇസില്‍) സായുധ സംഘം സര്‍ക്കാര്‍ സൈന്യത്തെ വെല്ലുവിളിച്ച് കീഴടക്കിയ പ്രദേശങ്ങളില്‍ നിലയുറപ്പിക്കുന്നതിനിടെ ഇറാഖ് റഷ്യയില്‍ നിന്ന് പോര്‍വിമാനങ്ങള്‍ വാങ്ങി. വിമതര്‍ക്കെതിരെ വ്യോമാക്രമണം ശക്തമാക്കുന്നതിനാണ് സുഖോയ് വിഭാഗത്തില്‍ പെട്ട വിമാനങ്ങള്‍ ഇറാഖ് വാങ്ങിയത്. മുന്‍ പ്രസിഡന്റ് സദ്ദാം ഹുസൈന്റെ ജന്‍മ നാടായ തിക്‌രീത്തിനായി വിമതരും സര്‍ക്കാര്‍ സൈന്യവും പോരാട്ടം രൂക്ഷമാക്കിയിരിക്കെയാണ് റഷ്യന്‍ വിമാനങ്ങളെത്തുന്നത്.
പുതുതായി വാങ്ങിയ എസ് യു-25 വിമാനങ്ങള്‍ ഉപരിതല ആക്രമണത്തിനാണ് ഉപയോഗിക്കുക. ഉടന്‍ തന്നെ ഇവ യുദ്ധ മുഖത്തേക്ക് കുതിക്കും. സിവിലിയന്‍മാര്‍ക്കിടയിലാണ് വിമതര്‍ ഉള്ളതെന്നതിനാല്‍ വ്യോമാക്രമണം അപകടകരമാണെന്ന ആശങ്ക ശക്തമാണ്. മാത്രമല്ല, സദ്ദാമിന്റെ കാലത്ത് സുഖോയ്-25 വിമാനങ്ങള്‍ പറത്തിയിരുന്ന പൈലറ്റുമാര്‍ കൂറുമാറി ഇപ്പോള്‍ വിമതരുടെ കൂടെയാണ്.
500 ദശലക്ഷം ഡോളറിന്റെ യുദ്ധോപകരണങ്ങള്‍ റഷ്യയില്‍ നിന്ന് വാങ്ങുമെന്ന് പ്രധാനമന്ത്രി നൂരി അല്‍ മാലികി വ്യാഴാഴ്ച വ്യക്തമാക്കിയിരുന്നു. വ്യോമാക്രമണത്തിന്റെ പ്രധാന ലക്ഷ്യങ്ങള്‍ യു എസ് ഉപദേശകരുമായി ചര്‍ച്ച നടത്തിയ ശേഷം നിശ്ചയിച്ചിട്ടുണ്ടെന്ന് ഇറാഖ് സുരക്ഷാ വക്താവ് പറഞ്ഞു. ജൂണ്‍ ഒമ്പത് മുതല്‍ നടക്കുന്ന സംഘര്‍ഷത്തില്‍ ആയിരത്തിലേറെ പേര്‍ കൊല്ലപ്പെട്ടിട്ടുണ്ടെന്നാണ് യു എന്‍ കണക്ക്. ഇതില്‍ ഏറെയും സിവിലിയന്‍മാരാണ്. വ്യാമാക്രമണം ശക്തമാകുന്നതോടെ മരണസംഖ്യ കുതിച്ചുയരും.
Latest
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
