Thrissur
ചെന്നൈ -ആലപ്പുഴ എക്‌സ്പ്രസിന്റെ മാറ്റം ട്രെയ്ന്‍ യാത്രക്കാര്‍ പ്രതിഷേധിച്ചു
തൃശൂര്‍: ചെന്നൈ-ആലപ്പുഴ എക്‌സ്പ്രസ് സൂപ്പര്‍ ഫാസ്റ്റ് എക്‌സ്പ്രസാക്കി മാറ്റുവാനുള്ള റെയ്ല്‍വേയുടെ തീരുമാനത്തിനെതിരേ ട്രെയ്ന്‍ യാത്രക്കാര്‍ തൃശൂര്‍ റെയ്ല്‍വേ പാസഞ്ചേഴ്‌സ് അസോസിയേഷന്റെ നേതൃത്വത്തില്‍ പ്രതിഷേധ യോഗം ചേര്‍ന്നു. റെയ്ല്‍വേ സ്റ്റേഷന് മുന്‍പില്‍ ചേര്‍ന്ന യോഗത്തില്‍ സ്ഥിരം യാത്രക്കാരടക്കം നിരവധി പേര്‍ പങ്കെടുത്തു. പാലക്കാട്, തൃശൂര്‍, എറണാകുളം ജില്ലകളിലെ സ്ഥിരം യാത്രക്കാര്‍ പതിറ്റാണ്ടുകളായി രാവിലെ എറണാകുളം ഭാഗത്തേയ്ക്കും വൈകിട്ട് തിരിച്ചുമുള്ള യാത്രയ്ക്ക് പ്രധാനമായി ആശ്രയിക്കുന്നത് ആലപ്പുഴ എക്‌സ്പ്രസാണ്. യാത്രക്കാരുടെ നിലവിലുള്ള യാത്രാ സൗകര്യം പോലും നിഷേധിയ്ക്കുന്ന റെയ്ല്‍വേ നടപടി അപലപനീയമാണ്. കാലാനുസൃതമായ മാറ്റങ്ങള്‍ ഉള്‍ക്കൊള്ളാന്‍ യാത്രക്കാര്‍ തയാറാണ്. എന്നാല്‍ അത് ഒരിയ്ക്കലും ഉള്ള സൗകര്യങ്ങള്‍ പിന്‍വലിച്ചു കൊണ്ടാകരുതെന്നും പാസഞ്ചേഴ്‌സ് അസോസിയേഷന്‍. യാത്രക്കാര്‍ക്ക് അനുകൂലമായ നടപടികളുണ്ടായില്ലെങ്കില്‍ കൂടുതല്‍ ശക്തമായ സമരപരിപാടികളുമായി മുമ്പോട്ടു പോകുമെന്നും യോഗം. തൃശൂര്‍ റെയ്ല്‍വേ പാസഞ്ചേഴ്‌സ് അസോസിയേഷന്‍ ഭാരവാഹികളായ പി കൃഷ്ണകുമാര്‍, എം ഗിരീശന്‍, എം പ്രമോദ്, ടി എ രാജേന്ദ്രന്‍, ടി ആര്‍ അനില്‍കുമാര്‍, ബാബു സുരേഷ്, സി.എസ്. സുനോജ്, ചെന്താമരാക്ഷന്‍, സുഗതന്‍ എന്നിവര്‍ നേതൃത്വം നല്‍കി.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
