International
ഇറാഖില്‍ വീണ്ടുമൊരു യുദ്ധത്തിന് താല്‍പര്യമില്ലെന്ന് ഒബാമ
വാഷിങ്ടണ്‍: ഇറാഖില്‍ വീണ്ടുമൊരു യുദ്ധത്തിന് താല്‍പര്യമില്ലെന്ന് യു എസ് പ്രസിഡന്റ് ബറാക് ഒബാമ. യു എസ് സൈനികരെ ഇറാഖിലേക്ക് തിരിച്ചയക്കില്ല. എന്നാല്‍ അടിയന്തര സാഹചര്യത്തില്‍ സൈനികനടപടിക്ക് മടിക്കില്ലെന്നും ഒബാമ പറഞ്ഞു. ഇറാഖ് സൈനികരെ സഹായിക്കുന്നതിനായി 300 സുരക്ഷാ ഉപദേഷ്ടാക്കളെ മേഖലയിലേക്ക് അയക്കുമെന്നും ഒബാമ വ്യക്തമാക്കി. യു എസിന്റെ ദേശീയ സുരക്ഷാ ഏജന്‍സിയുമായുള്ള ചര്‍ച്ചകള്‍ക്കുശേഷം നടന്ന വാര്‍ത്താ സമ്മേളനത്തിലാണ് അമേരിക്കന്‍ പ്രസിഡന്റ് നിലപാട് വ്യക്തമാക്കിയത്.
വേണ്ടിവന്നാല്‍ ബാഗ്ദാദിലും ഇറാഖിന്റെ വടക്കന്‍ മേഖലകളിലും സംയുക്ത സൈനിക കേന്ദ്രങ്ങള്‍ തുറക്കുമെന്നും ഒബാമ വ്യക്തമാക്കി.പ്രക്ഷോഭകാരികളെ നേരിടുന്നതിനായി ഇറാഖ് സേനയുമായി ചേര്‍ന്ന് പ്രത്യേക പദ്ധതി തയ്യാറാക്കും. സുന്നി – ഷിയ വിഭാഗങ്ങള്‍ക്കിടയില്‍ നിലനില്‍ക്കുന്ന ഭിന്നതയ്ക്ക് ശാശ്വതമായ പരിഹാരം കാണുന്നതിലൂടെ മാത്രമെ ഇറാഖിലെ കലുഷിതമായ രാഷ്ട്രീയ സാഹചര്യം ശാന്തമാകുകയുള്ളുവെന്നും ഒബാമ അഭിപ്രായപ്പെട്ടു.
സുന്നി വിമതരുടെ ആക്രമണം ശക്തമായ ഇറാഖില്‍ വ്യോമാക്രമണം നടത്തണമെന്ന് ഇറാഖ് ഭരണകൂടം അമേരിക്കയോട് അഭ്യര്‍ത്ഥിച്ചിരുന്നു.
Latest
ലോക്‌സഭാ തിരഞ്ഞെടുപ്പ്: ഒന്നാം ഘട്ടത്തില്‍ ഉച്ചവരെ ഭേദപ്പെട്ട പോളിങ്; കൂടുതല്‍ ത്രിപുരയില്‍
ഇന്ത്യയെ രക്ഷിക്കാനാണ് കോണ്‍ഗ്രസിന്റെ ശ്രമം; എംഎം ഹസ്സന്‍
ബിജെപിയെ പ്രീണിപ്പിക്കാന്‍ പിണറായി രാഹുലിനെ പരിഹസിക്കുകയാണെന്ന് വിഡി സതീശന്‍
കെ കെ ഷൈലജക്കെതിരെ സൈബര്‍ ആക്രമണം നടന്നിട്ടുണ്ടെങ്കില്‍ അത് തെറ്റാണെന്ന് കെ സുധാകരന്‍
വിറാസില്‍ യു ജി കോഴ്‌സുകളിലേക്കുള്ള അഡ്മിഷന്‍ ആരംഭിച്ചു
ട്വന്റി - 20 പ്രവര്‍ത്തകരെ കോണ്‍ഗ്രസുകാര്‍ മര്‍ദിച്ചതായി പരാതി
