Kasargod
സഅദിയ്യ: ഖത്മുല്‍ ബുഖാരിയും നൂറുല്‍ ഉലമയുടെ പണ്ഡിത ദര്‍സ് ഉദ്ഘാടനവും എട്ടിന്
ദേളി: വിശുദ്ധ ഹദീസ് ഗ്രന്ഥമായ സ്വഹീഹുല്‍ ബുഖാരി ക്ലാസിന്റെ സമാപന സംഗമവും സമസ്ത പ്രസിഡന്റ് നൂറുല്‍ ഉലമ എം എ ഉസ്താദിന്റെ നേതൃത്വത്തില്‍ മാസാന്തം നടത്തുന്ന പണ്ഡിതന്മാര്‍ക്കുള്ള പ്രത്യേക ക്ലാസിന്റെ ഉദ്ഘാടനവും ഈമാസം എട്ടിന് ഉച്ചക്ക് രണ്ട് മണിക്ക് ദേളി സഅദാബാദില്‍ നടക്കും.
സയ്യിദ് ഫസല്‍ കോയമ്മ തങ്ങള്‍ കുറയുടെ പ്രാര്‍ഥനയോടെ ആരംഭിക്കുന്ന പരിപാടി ശരീഅത്ത് കോളജ് പ്രിന്‍സിപ്പല്‍ എ കെ അബ്ദുര്‍റഹ്മാന്‍ മുസ്‌ലിയാരുടെ അധ്യക്ഷതയില്‍ സയ്യിദ് കെ എസ് ആറ്റക്കോയ തങ്ങള്‍ കുമ്പോല്‍ ഉദ്ഘാടനം ചെയ്യും. ഖത്മുല്‍ ബുഖാരി സംഗമത്തിന് എം എ അബ്ദുല്‍ ഖാദിര്‍ മുസ്‌ലിയാര്‍ നേതൃത്വം നല്‍കും. ഇമാം ബുഖാരി ജീവിതം, ദര്‍ശനം എന്ന വിഷയം കാന്തപുരം എ പി മുഹമ്മദ് മുസ്‌ലിയാര്‍, ബേക്കല്‍ ഇബ്‌റാഹിം മുസ്‌ലിയാര്‍ അവതരിപ്പിക്കും. ഖാസി സയ്യിദ് മുഹമ്മദ് ഉമറുല്‍ ഫാറൂഖ് അല്‍ ബുഖാരി സമാപന പ്രാര്‍ഥനക്ക് നേതൃത്വം നല്‍ക്കും.
വൈകിട്ട് ഏഴ് മണിക്ക് നടക്കുന്ന ജലാലിയ്യ ദിക്ര്‍ ഹല്‍ഖക്ക് സയ്യിദ് ജഅ്ഫര്‍ സ്വാദിഖ് തങ്ങള്‍ കുമ്പോല്‍ നേതൃത്വം നല്‍കും. സഅദിയ്യ പ്രസിഡന്റ് സയ്യിദ് കെ എസ് ആറ്റക്കോയ തങ്ങളുടെ അധ്യക്ഷതയില്‍ ചേര്‍ന്ന സംഘാടക സമിതി രൂപവത്കരണ യോഗം എ പി അബ്ദുല്ല മുസ്‌ലിയാര്‍ മാണിക്കോത്ത് ഉദ്ഘാടനം ചെയ്തു. മുഹമ്മദലി സഖാഫി തൃക്കരിപ്പൂര്‍ ചെയര്‍മാനും പള്ളങ്കോട് അബ്ദുല്‍ ഖാദിര്‍ മദനി കണ്‍വീനറുമായി സംഘാടകസമിതി രൂപവത്കരിച്ചു.
Latest
വിവി പാറ്റിന്റെ പ്രവര്‍ത്തനം; തിരഞ്ഞെടുപ്പ് കമ്മീഷനോട് വിശദീകരണം തേടി സുപ്രീം കോടതി
തെലങ്കാനയിൽ എട്ടുവർഷമായി നിർമാണത്തിലിരുന്ന പാലം കനത്ത കാറ്റില്‍ തകര്‍ന്നുവീണു
നരേന്ദ്ര മോദി ഒരു പെറ്റി പൊളിറ്റീഷ്യന്‍; മല്ലികാര്‍ജുന്‍ ഖര്‍ഗെ
സംസ്ഥാനത്ത് സ്വര്‍ണവില വീണ്ടും ഉയര്‍ന്നു
എന്റെ അമ്മ അവരുടെ താലിമാല രാജ്യത്തിനു വേണ്ടി ത്യജിച്ചു, മുത്തശ്ശി സ്വര്‍ണാഭരണങ്ങള്‍ സമര്‍പ്പിച്ചു; മോദിക്ക് പ്രിയങ്കയുടെ മറുപടി
റൊട്ടി തീർന്നതിനെച്ചൊല്ലി തർക്കം; സഹോദരിയുമായി വഴക്കിട്ട 22കാരനെ യുവാവ് കൊലപ്പെടുത്തി
