Kozhikode
ബസ് കാത്തിരിപ്പുകേന്ദ്രം നിര്‍മിക്കുന്നതിനെതിരെ പ്രതിഷേധം ശക്തമാകുന്നു
താമരശ്ശേരി: ട്രാഫിക് പരിഷ്‌കരണത്തിന്റെ ഭാഗമായുള്ള തീരുമാനത്തിന് വിരുദ്ധമായി താമരശ്ശേരി പഴയ ബസ്റ്റാന്റ്ില്‍ കാത്തിരിപ്പുകേന്ദ്രം നിര്‍മിക്കുന്നതിനെതിരെ പ്രതിഷേധം ശക്തമാകുന്നു. ട്രാഫിക് പോലീസും ഗ്രാമപഞ്ചായത്തും വിവിധ കക്ഷി പ്രതിനിധികളും പങ്കെടുത്ത യോഗത്തിലാണ് ബസ് കാത്തിരിപ്പു കേന്ദ്രം ദേശീയപാതയില്‍നിന്ന് പിറകോട്ട് മാറ്റി നിര്‍മിക്കാന്‍ തീരുമാനിച്ചത്. ബസുകള്‍ നിര്‍ത്തുമ്പോള്‍ ദേശീയപാതയിലുണ്ടാകുന്ന ഗതാഗതക്കുരുക്ക് ഒഴിവാക്കാനായി ബസുകള്‍ റോഡില്‍നിന്ന് മാറ്റി നിര്‍ത്തണമെന്നായിരുന്നു നിര്‍ദേശം ഉയര്‍ന്നത്. താലൂക്ക് ഉദ്ഘാടനത്തിനായി പഴയ കാത്തിരിപ്പുകേന്ദ്രം പൊളിച്ചുമാറ്റി മാസങ്ങള്‍ക്കുശേഷമാണ് പുതിയ ഷെഡിന്റെ നിര്‍മാണ പ്രവൃത്തി ആരംഭിച്ചത്. എന്നാല്‍ സര്‍വകക്ഷി യോഗത്തിലെ തീരുമാനത്തിന് വിരുദ്ധമായി ദേശീയപാതയോരത്താണ് നിര്‍മാണപ്രവൃത്തി ആരംഭിച്ചത്. മുന്‍ തീരുമാനപ്രകാരം ബസ് കാത്തിരിപ്പുകേന്ദ്രം നിര്‍മിക്കണമെന്നാവശ്യപ്പെട്ട് വ്യാപാരി വ്യവസായി സമിതിയുടെ നേതൃത്വത്തില്‍ പ്രവൃത്തി തടഞ്ഞു. അല്ലാത്തപക്ഷം പ്രക്ഷോഭം സംഘടിപ്പിക്കുമെന്നും വ്യാപാരി വ്യവസായി സമിതി ഭാരവാഹികള്‍ മുന്നറിയിപ്പു നല്‍കി.
Latest
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
സുപ്രീംകോടതി നിര്‍ദേശത്തിന് പിന്നാലെ മാപ്പപേക്ഷിക്കുന്ന പുതിയ പത്രപരസ്യവുമായി ബാബ രാംദേവ്
