ബി ജെ പി- കോണ്‍ഗ്രസ് വോട്ട് മറിക്കലിന് നീക്കം നടന്നതായി് എം എ ബേബി

കൊല്ലം: സംസ്ഥാനത്ത് ബി ജെ പി – കോണ്‍ഗ്രസ് വോട്ടുമറിക്കലിന് നീക്കം നടന്നുവെന്ന് സി പി എം പോളിറ്റ് ബ്യൂറോ അംഗവും കൊല്ലത്തെ എല്‍ ഡി എഫ് സ്ഥാനാര്‍ഥിയുമായ എം എ ബേബി. കൊല്ലത്തും ഈ നീക്കം നടന്നതായി അദ്ദേഹം പറഞ്ഞു. ഒരു സ്വകാര്യ ചാനലിന് നല്‍കിയ അഭിമുഖത്തിലാണ് എം എ ബേബി ഇങ്ങനെ അഭിപ്രായപ്പെട്ടത്. കൊല്ലത്തിന് പകരം ബി ജെ പിക്ക് സ്വാധീനമുളള സ്ഥലത്ത് സഹായിക്കാമെന്നായിരുന്നു ധാരണ. ഈ നീക്കം വിജയിച്ചോയെന്ന് ഫലം വ്യക്തമാക്കുമെന്നും എം എ ബേബി ഏഷ്യാനെറ്റ് ന്യൂസിന് അനുവദിച്ച അഭിമുഖത്തില്‍ വ്യക്തമാക്കി.
അതേസമയം ബേബിയുടെ പ്രസ്താവന അസംബന്ധമാണെന്ന് കൊല്ലം ഡി സി സി പ്രസിഡന്റ് ജി പ്രതാപവര്‍മ തമ്പാനും, മുന്‍കൂര്‍ ജാമ്യമാണ് പ്രസ്താവനയെന്ന് ബി ജെ പി ദേശീയ സെക്രട്ടറി പി കെ കൃഷ്ണദാസും പ്രതികരിച്ചു.