Gulf
വിദ്യാലയങ്ങളില്‍ ദുബൈ നഗരസഭ നിര്‍മിച്ച ഉദ്യാനങ്ങള്‍ ഉദ്ഘാടനം ചെയ്തു
ദുബൈ: രണ്ട് വിദ്യാലയങ്ങളെ ദുബൈ നഗരസഭ പുതുതായി നിര്‍മിച്ച ഉദ്യാനങ്ങള്‍ ഉദ്ഘാടനം ചെയ്തു. 34-ാമത് പ്ലാന്റേഷന്‍ വാരാചരണത്തിന്റെ ഭാഗമായാണ് പുതിയ ഉദ്യാനങ്ങള്‍. അല്‍ വാസല്‍, അല്‍ മക്തൂം സ്‌കൂള്‍ ക്യാംപസില്‍ നിര്‍മിച്ച ഉദ്യാനങ്ങള്‍ വിദ്യാര്‍ഥി സംഘങ്ങള്‍ പരിചരിക്കും.
നേരത്തെ വിവിധ വിദ്യാലയങ്ങള്‍ സന്ദര്‍ശിച്ച ഉദ്യോഗസ്ഥര്‍ ഉദ്യാനങ്ങള്‍ നിര്‍മിക്കുന്നതിനെ കുറിച്ച് വിശദീകരിച്ചിരുന്നു. ഇതിനായി 12 വിദ്യാലയങ്ങള്‍ നാമനിര്‍ദേശം ചെയ്യപ്പെട്ടിട്ടുണ്ട്. ഇതില്‍ നാല് വിദ്യാലയങ്ങളെ ഉദ്യാന നിര്‍മാണത്തിന് തിരഞ്ഞെടുത്തു. അതാത് വിദ്യാലയങ്ങളിലെ അധ്യാപകര്‍ക്കാണ് ഉദ്യാന ചുമതല. ഉദ്യാന നിര്‍മാണത്തിന് സഹകരിക്കാന്‍ സ്വകാര്യ കമ്പനികളെ ക്ഷണിച്ചിട്ടുണ്ട്. പ്ലാന്റേഷന്‍ വാരാചരണത്തിന്റെ ഭാഗമായി ഇന്ന് മുഷ്‌രിഫ് പാര്‍ക്കില്‍ വിവിധ പരിപാടികള്‍ നടക്കും.
അല്‍ വാസല്‍ സ്‌കൂള്‍ അങ്കണത്തില്‍ നടന്ന ഉദ്ഘാടന ചടങ്ങില്‍ നഗരസഭ അസി. ഡയറക്ടര്‍ ജനറല്‍മാരായ മുഹമ്മദ് അബ്ദുല്‍ കരീം ജുല്‍ഫാര്‍, സലാഹ് അമീരി, അധ്യാപകര്‍, വിദ്യാര്‍ഥികള്‍ എന്നിവര്‍ സംബന്ധിച്ചു. അല്‍ മക്തൂം സ്‌കൂളിലെ പാര്‍ക്ക് അസി.ഡയറക്ടര്‍ ജനറല്‍ ഉബൈദ് ഷംസി ഉദ്ഘാടനം ചെയ്തു. പബ്ലിക് പാര്‍ക്‌സ് ആന്‍ഡ് ഹോര്‍ട്ടികള്‍ചര്‍ വിഭാഗം ഡയറക്ടര്‍ താലിബ് ജുല്‍ഫാര്‍ സംബന്ധിച്ചു.
Latest
ഹോര്‍ലിക്‌സ് ഇനി ഫംഗ്ഷണല്‍ ന്യൂട്രീഷ്യന്‍ ഡ്രിങ്ക്സ്; ഹിന്ദുസ്ഥാന്‍ യൂണിലിവര്‍
മുബൈയില്‍ രണ്ടു കുട്ടികളെ കാറില്‍ മരിച്ച നിലയില്‍ കണ്ടെത്തി
പൂക്കോട് വെറ്ററിനറി സര്‍വ്വകലാശാല മുന്‍വിസിയുടെ സസ്‌പെന്‍ഷന്‍; ഗവര്‍ണറുടെ നടപടി ശരിവച്ച് ഹൈക്കോടതി
ഇപി ജയരാജന്‍ ബിജെപിയിലേക്ക് പോകാന്‍ ചര്‍ച്ച നടത്തി ; ആരോപണവുമായി കെ സുധാകരന്‍
വിദ്വേഷ പ്രസംഗം; പ്രധാനമന്ത്രി നരേന്ദ്രമോദിയോട് തിരഞ്ഞെടുപ്പ് കമ്മീഷന്‍ വിശദീകരണം തേടി
മാസപ്പടി കേസ്; മുഖ്യമന്ത്രിയുടെ പങ്ക് വ്യക്തമാക്കുന്ന തെളിവുകള്‍ ഹാജരാക്കാതെ മാത്യു കുഴല്‍നാടന്‍
