International
ഫിലിപ്പൈന്‍സില്‍ യു എസ് വിരുദ്ധ പ്രക്ഷോഭം ശക്തം
മനില: അമേരിക്കന്‍ പ്രസിഡന്റ് ബരാക് ഒബാമ സന്ദര്‍ശനത്തിന് തയ്യാറെടുക്കുന്നതിലും രാജ്യത്ത് അമേരിക്കന്‍ സൈന്യത്തിന്റെ സാന്നിധ്യം തുടരുന്നതിലും പ്രതിഷേധിച്ച് ഫിലിപ്പൈന്‍സ് തലസ്ഥാനത്ത് പോലീസും യു എസ് വിരുദ്ധ പ്രക്ഷോഭകരും തമ്മില്‍ ഏറ്റുമുട്ടി. യു എസ് എംബസിയിലേക്ക് തള്ളിക്കയറാന്‍ ശ്രമിച്ച പ്രതിഷേധക്കാര്‍ക്ക് നേരെ പോലീസ് ലാത്തിവീശി. അമേരിക്കന്‍ സാമ്രാജ്യത്വത്തിനെതിരെ മെയ് വണ്‍ മൂവ്‌മെന്റ് വര്‍ക്കേഴ്‌സ് ഫെഡറേഷനുമായി ചേര്‍ന്ന് എംബസിക്ക് മുന്നില്‍ പ്രസംഗം നടത്തിയശേഷമാണ് പ്രതിഷേധക്കാര്‍ പിരിഞ്ഞുപോയത്. സംഘര്‍ഷത്തില്‍ ആരും അറസ്റ്റിലാകുകയോ ആര്‍ക്കും പരുക്കേല്‍ക്കുകയോ ചെയ്തിട്ടില്ല.
ഫിലിപ്പൈന്‍സ് സൈനികര്‍ക്ക് തീവ്രവാദ വിരുദ്ധ പരിശീലനം നല്‍കുന്നതിനായി 2002 മുതല്‍ 500 അമേരിക്കന്‍ സൈനികര്‍ രാജ്യത്ത് തങ്ങുന്നുണ്ട്. എന്നാല്‍ അമേരിക്കന്‍ സൈനികരുടെ സാന്നിധ്യം രാജ്യത്തിന്റെ അഖണ്ഡത തകര്‍ക്കുന്നതാണെന്ന് പ്രതിഷേധക്കാര്‍ പറയുന്നു. ഉടമ്പടിയുടെ അടിസ്ഥാനത്തില്‍ മാത്രമെ വിദേശ സൈനികരെ രാജ്യത്ത് അനുവദിക്കാവു എന്നാണ് ഫിലിപ്പൈന്‍സ് ഭരണഘടനയില്‍ പറയുന്നത്. ഏഷ്യന്‍ സന്ദര്‍ശനത്തിന്റെ ഭാഗമായി ഏപ്രിലിലാണ് ഒബാമ ഫിലിപ്പൈന്‍സിലെത്തുക. ജപ്പാന്‍, ദക്ഷിണ കൊറിയ, മലേഷ്യ എന്നീ രാജ്യങ്ങളും ഒബാമ സന്ദര്‍ശിക്കും.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
