Gulf
അര്‍ബുദ ബോധവത്കരണം: ഏറ്റവും വലിയ റിബണ്‍ ദുബൈ വിമാനത്താവളത്തില്‍
ദുബൈ: രാജ്യാന്തരതലത്തില്‍ അര്‍ബുദത്തിനെതിരെ നടക്കുന്ന ബോധവത്ക്കരണത്തില്‍ പങ്കാളികളാവുന്നതിന്റെ ഭാഗമായി ദുബൈ ഇന്റര്‍നാഷണല്‍ എയര്‍പോര്‍ട്ടില്‍ ലോകത്തിലെ ഏറ്റവും വലിയ അര്‍ബുദ ബോധവത്ക്കരണ റിബണ്‍ സ്ഥാപിച്ചു. ദുബൈ വിമാനത്താവളത്തിന്റെ ട്രാഫിക് കണ്‍ട്രോള്‍ ടവറിലാണ് നേരത്തെ കണ്ടെത്തിയാല്‍ ജീവന്‍ രക്ഷിക്കാമെന്ന സന്ദേശം ഉള്‍ക്കൊള്ളുന്ന റിബണ്‍ സ്ഥാപിച്ചിരിക്കുന്നത്.
എല്ലാ തരം അര്‍ബുദങ്ങളെയും പ്രതിനിധീകരിക്കുന്നതിനായി 24 നിറങ്ങള്‍ ഉള്‍പ്പെടുത്തിയ കൂറ്റന്‍ റിബണാണ് സ്ഥാപിച്ചിരിക്കുന്നത്. 128 അടി നീളത്തിലും 60 അടി വീതിയിലുമാണ് റിബണ്‍ നിര്‍മിച്ചിരിക്കുന്നത്. ടവറിന്റെ പൂര്‍ണ ഉയരത്തിന് സമാനമായാണ് റിബണും സ്ഥാപിച്ചിരിക്കുന്നത്.
ദുബൈ സിവില്‍ ഏവിയേഷന്‍ അതോറിറ്റി ചെയര്‍മാന്‍ ശൈഖ് അഹമ്മദ് ബിന്‍ സയീദ് അല്‍ മക്തൂമിന്റെ രക്ഷാകര്‍തൃത്വത്തിലാണ് റിബണ്‍ സ്ഥാപിച്ചത്. ബോധവത്ക്കരണത്തിന്റെ ഭാഗമായി വിമാനത്താവള ജീവനക്കാര്‍ക്ക് സൗജന്യമായി അര്‍ബുദ പരിശോധനയും ഏര്‍പ്പെടുത്തിയിട്ടുണ്ട്. ടെര്‍മിനല്‍ രണ്ടിലും മൂന്നിലുമായി സഊദി ജര്‍മന്‍ ഹോസ്പിറ്റലിന്റെയും ഇന്റര്‍നാഷണല്‍ മോഡേണ്‍ ഹോസ്പിറ്റലിന്റെയും നേതൃത്വത്തില്‍ പരിശോധനക്ക് ആവശ്യമായ സൗകര്യം ഏര്‍പ്പെടുത്തിയിട്ടുണ്ട്. കാര്‍ഗോയിലും യാത്രക്കാരുടെ എണ്ണത്തിലും ലോകത്തിലെ തിരക്കേറിയ രണ്ടാമത്തെ വിമാനത്താവളമാണ് ദുബൈ.
Latest
കൊല്ലം ഒരു വികാരമാണ് ,വിജയം സുനിശ്ചിതം ; എം മുകേഷ്
വയനാട്ടില്‍ വോട്ട് പിടിക്കാന്‍ വീണ്ടും ഭക്ഷ്യക്കിറ്റ് ; ബിജെപി പ്രാദേശിക നേതാവിന്റെ വീട്ടില്‍ നിന്ന് ഭക്ഷ്യക്കിറ്റ് പിടികൂടി
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
