Ongoing News
സച്ചിന്റെ വിടവാങ്ങല്‍ മത്സരം ജന്മനാട്ടില്‍ തന്നെ
മുംബൈ: മാസറ്റര്‍ ബ്ലാസ്റ്റര്‍ സച്ചിന്‍ ടെന്‍ഡുല്‍ക്കറുടെ വിടവാങ്ങല്‍ മത്സരം മുംബൈയിലെ വാങ്കഡെ സ്റ്റേഡിയത്തില്‍ നടത്താന്‍ തീരുമാനമായി. ബിസിസിഐയുടെ ടൂര്‍ ആന്റ് ഫിക്‌സ്ചര്‍ പ്രോഗ്രാം കമ്മറ്റിയാണ് സച്ചിന്റെ അഭ്യര്‍ഥന മാനിച്ച് മത്സരം മുംബൈയില്‍ തന്നെ നടത്താന്‍ തീരുമാനിച്ചത്. നേരത്തെ സച്ചിന്റെ വിടവാങ്ങല്‍ മത്സരവേദി സ്വന്തമാക്കാനായി ഗുജറാത്ത് ഉള്‍പ്പെടെയുള്ള സംസ്ഥാനങ്ങള്‍ രംഗത്തുവന്നിരുന്നു.
എന്നാല്‍ സ്വന്തം നാടായ മുംബൈയില്‍ തന്നെ കളിക്കാന്‍ അവസരം നല്‍കണമെന്ന് സച്ചിന്‍ ആഭ്യര്‍ഥിക്കുകയായിരുന്നു. തന്റെ അമ്മയ്ക്കും കുടുംബാംഗങ്ങള്‍ക്കും മത്സരം കാണണമെന്ന് ആഗ്രഹമുണ്ടെന്നും മുംബൈയിലാണെങ്കില്‍ ഇത് കൂടുതല്‍ സൗകര്യപ്രദമായിരിക്കുമെന്നും സച്ചിന്‍ അറിയിച്ചിരുന്നു. തുടര്‍ന്നാണ് ബിസിസിഐ ഇക്കാര്യത്തില്‍ അനുകൂല നിലപാട് സ്വീകരിച്ചത്. വെസ്റ്റിന്‍ഡീസിനെതിരായ രണ്ടാം ടെസ്റ്റാണ് സച്ചിന്റെ വിടവാങ്ങല്‍ മത്സരമാകുക. നവംബര്‍ 14 മുതല്‍ 18 വരെയാണ് മത്സരം.
Latest
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
