Palakkad
കഥക് നൃത്തത്തെ ജനകീയവല്ക്കരിക്കണം: റാണി ഖന്നം
പാലക്കാട്: കഥക് നൃത്തത്തെ ജനകീയവല്ക്കരിക്കാനുള്ള ശ്രമങ്ങളാണ് തന്റെ കലാജീവിതത്തിലൂടെ ലക്ഷ്യമിടുന്നതെന്ന് പ്രമുഖ കഥക് നര്ത്തകി റാണി ഖന്നം പറഞ്ഞു. പാലക്കാട് പ്രസ് ക്ലബിന്റെ മുഖാമുഖത്തില് സംസാരിക്കുകയായിരുന്നു അവര്. മുഗള് കാലഘട്ടത്തില് വളര്ന്നു വികസിച്ച ഈ കല പിന്നീട് ഉത്തരേന്ത്യയുടെ എതാനുംഭാഗങ്ങളില് ഒതുങ്ങിപ്പോയി.
ഇപ്പോള് ലക്നൗ, ജയ്പ്പൂര് എന്നിവിടങ്ങളില് മാത്രം കാണുന്ന കഥകിനെ രാജ്യത്തിന്റെ കൂടുതല് ഭാഗങ്ങളിലേക്ക് വ്യാപിപ്പിക്കാനുളള ശ്രമത്തിലാണ് താനെന്നും അവര് പറഞ്ഞു. സൂഫി സംഗീതത്തോടൊപ്പം ഭാവാഭിനയത്തിനും പ്രാധാന്യമുള്ള നൃത്തരൂപമാണ് കഥക്. സംഗീതവും അഭിനയവും തുല്യപ്രാധാന്യത്തിലാണ് ഈ കലാരൂപത്തില് ചിട്ടപ്പെടുത്തിയിരിക്കുന്നത്.
പരമ്പരാഗതനൃത്തരൂപമെന്ന നിലയില് അതിന്റെ വളര്ച്ചയും പുരോഗതിയുമാണ് തന്റെ ലക്ഷ്യമെന്നും അവര് പറഞ്ഞു. പ്രസ് ക്ലബ് പ്രസിഡന്റ് ജയകൃഷ്ണന് നരിക്കുട്ടി അധ്യക്ഷത വഹിച്ചു. പാലക്കാട് നടന്നുവരുന്ന സ്വരലയ നൃത്തസംഗീതോത്സവത്തില് പരിപാടി അവതരിപ്പിക്കാനാണ് റാണി ഘന്നം പാലക്കാടെത്തിയത്.സിത്താറിസ്റ്റ് പാര്ഥാ പ്രതി‘റോയിയും മുഖാമുഖത്തില് പങ്കെടുത്തു.——