Palakkad
റിസര്‍വ് ബേങ്കിന്റെ പുതിയ നിലപാടുകള്‍ സഹകരണമേഖലയെ നാശത്തിലേക്ക് നയിക്കും :പിണറായി
പട്ടാമ്പി: റിസര്‍വ് ബേങ്കിന്റെ പുതിയ നിലപാടുകള്‍ സഹകരണമേഖലയെ നാശത്തിലേക്ക് നയിക്കുമെന്ന് സി പി എം സംസ്ഥാന സെക്രട്ടറി പിണറായി വിജയന്‍. പുലാമന്തോള്‍ സര്‍വീസ് സഹകരണ ബേങ്ക് മെയിന്‍ ബ്രാഞ്ചിന്റെ പുതിയ കെട്ടിടം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പാവപ്പെട്ടവരുടെ അത്താണിയായും കര്‍ഷകരുടെ രക്ഷകനായുമാണ് സഹകരണബേങ്കുകള്‍ പ്രവര്‍ത്തിക്കുന്നത്.
മറ്റ് സംസ്ഥാനങ്ങളെ അപേക്ഷിച്ച് കേരളത്തിലെ സഹകരണ പ്രസ്ഥാനങ്ങള്‍ ജനങ്ങളുടെ വിശ്വാസം ആര്‍ജിക്കാന്‍ കഴിഞ്ഞത് അത് കൊണ്ടാണ്. സ്വകാര്യ ചിട്ടികമ്പനികള്‍ക്കും ഫൈനാന്‍സ് സ്ഥാപനങ്ങള്‍ക്കും സഹായമായ നിലപാടുകളാണ് റിസര്‍വ് ബേങ്കിന്റേത്. പൊതുമേഖലാ സ്ഥാപനങ്ങള്‍ക്കുള്ള പ്രാധാന്യം കുറച്ച് കാണിക്കുന്നതോടൊപ്പം സഹകരണമേഖലയെയും തകര്‍ക്കാനാണ് ഇത് ഉപകരിക്കുകയുള്ളൂ.
സഹകരണ പ്രസ്ഥാനങ്ങളെ ഇല്ലാതാക്കുന്ന പുതിയ “രണഘടനാ ഭേദഗതി തള്ളിക്കളയാന്‍ യു ഡി എഫ് സര്‍ക്കാര്‍ തയ്യാറാവണം. പി ശ്രീരാമകൃഷ്ണന്‍ എം എല്‍ എ അധ്യക്ഷത വഹിച്ചു. ബേങ്ക് സെക്രട്ടറി കെ അബൂബക്കര്‍ റിപ്പോര്‍ട്ട് അവതരിപ്പിച്ചു. അര്‍ബന്‍ ബേങ്ക് ഫെഡറേഷന്‍ ചെയര്‍മാന്‍ പി പി വാസുദേവന്‍ മുതിര്‍ന്ന പൗരന്‍ കെ പി മുഹമ്മദ് മാസ്റ്ററെ ആദരിച്ചു. പൊതനന്മാഫണ്ടില്‍ നിന്നുള്ള സഹായ വിതരണം സഹകരണ ജോയിന്റ് രജിസ്ട്രാര്‍ വി അബ്ദുനാസര്‍ നിര്‍വഹിച്ചു.
ബേങ്കിന്റെ പുതിയ ലോഗോ പ്രകാശനം എസ് ലിസിയാമ്മയും വിദ്യാര്‍ഥികള്‍ക്കുള്ള ക്യാഷ് അവാര്‍ഡുകള്‍ വിതരണം അസി റജിസ്ട്രാര്‍ എം പി ഹൂസൈനും നിര്‍വഹിച്ചു. ബേങ്ക് പ്രസിഡന്റ് എം വി കുട്ടിശങ്കരന്‍ സ്വാഗതവും ബേങ്ക് ഡയറക്ടര്‍ പി ചന്ദ്രമോഹന്‍ നന്ദിയും പറഞ്ഞു.
Latest
ജപ്തി നടക്കുന്നതിനിടെ ആത്മഹത്യാ ശ്രമം; വീട്ടുടമയായ സ്ത്രീ ആശുപത്രിയില്‍
വൈദ്യുതി കുടിശ്ശികയായതോടെ പത്തനംതിട്ട ജില്ലാ വിദ്യാഭ്യാസ ഓഫീസിലെ ഫ്യൂസ് ഊരി കെഎസ്ഇബി
ദുബൈ വിമാനങ്ങൾ റദ്ദാക്കി എയർ ഇന്ത്യ
ഭരണഘടന ഭീഷണി നേരിടുന്ന കാലത്തെ അസാധാരണ തിരഞ്ഞെടുപ്പാണ് നടക്കാന്‍ പോകുന്നതെന്ന് ബൃന്ദ കാരാട്ട്
ലോക്‌സഭാ തിരഞ്ഞെടുപ്പ്: ഒന്നാം ഘട്ടത്തില്‍ ഉച്ചവരെ ഭേദപ്പെട്ട പോളിങ്; കൂടുതല്‍ ത്രിപുരയില്‍
ഇന്ത്യയെ രക്ഷിക്കാനാണ് കോണ്‍ഗ്രസിന്റെ ശ്രമം; എംഎം ഹസ്സന്‍
