Kasargod
വോട്ടര്‍ പട്ടികയില്‍ പേര് ചേര്‍ക്കാന്‍ 22 വരെ അവസരം
കാസര്‍കോട്: തിരഞ്ഞെടുപ്പ് കമ്മീഷന്റെ ഉത്തരവ് പ്രകാരം പ്രസിദ്ധീകരിച്ച കരട് വോട്ടര്‍ പട്ടികയിലുളള ആക്ഷേപവും അപേക്ഷയും ഈമാസം 22 വരെ സമര്‍പ്പിക്കാമെന്ന് ജില്ലാകലക്ടര്‍ അറിയിച്ചു. വോട്ടര്‍ പട്ടികയില്‍ പേര് ചേര്‍ക്കാത്തവര്‍ക്ക് ഇപ്പോള്‍ പേര് ചേര്‍ക്കാം. ഇത്തവണ ഓണ്‍ലൈനായിട്ടാണ് അപേക്ഷ സ്വീകരിക്കുന്നത്. സംക്ഷിപ്ത വോട്ടര്‍പട്ടിക പുതുക്കലിന് 2014 ജനുവരി ഒന്ന് അടിസ്ഥാനമാക്കിയുളള സമയക്രമം കമ്മീഷന്‍ അംഗീകരിച്ചിട്ടുണ്ട്. കരട് വോട്ടര്‍ പട്ടികയുടെ പകര്‍പ്പ് താലൂക്കോഫീസ്, വില്ലേജ് ഓഫീസ് എന്നിവിടങ്ങളിലും ബി എല്‍ ഒ മാരുടെ കൈവശവും പരിശോധനക്ക് ലഭ്യമാണ്. ദുര്‍ഗമമായ പ്രദേശങ്ങളിലും വിദ്യാഭ്യാസ സ്ഥാപനങ്ങളിലും പ്രത്യേകം ക്യാമ്പ് സംഘടിപ്പിച്ച് അപേക്ഷ സ്വീകരിക്കും. താലൂക്കോഫീസില്‍നിന്നുളള പ്രത്യേക സംഘങ്ങള്‍ ജില്ലയിലെ വിവിധ വിദ്യാലയങ്ങളും കോളജുകളും സന്ദര്‍ശിച്ച് ഈമാസം 22 വരെ അപേക്ഷ സ്വീകരിക്കും.
ഈമാസം 20 ന് പോളിംഗ്‌സ്റ്റേഷന്‍ ലൊക്കേഷനുകളിലും അക്ഷയ കേന്ദ്രങ്ങളിലും അപേക്ഷ സ്വീകരിക്കും. കലക്ടറേറ്റിലും താലൂക്ക് ഓഫീസുകളിലും വോട്ടര്‍ വിജ്ഞാന സഹായ കേന്ദ്രങ്ങളിലും സൗജന്യമായി ഓണ്‍ലൈനായി അപേക്ഷ സമര്‍പ്പിക്കാം.
Latest
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ല,പറഞ്ഞത് പോസ്റ്റർ പ്രചരിക്കുന്നുവെന്ന്; കെകെ ശൈലജ
