Kerala
ഗൃഹനാഥയുടെ മാലപിടിച്ചുപറിച്ച ഹോംനഴ്‌സിനെ നാട്ടുകാര്‍ പിടികൂടി
തിരുവനന്തപുരം: രോഗിപരിചരണത്തിന് ഹോംനഴ്‌സായെത്തിയ യുവാവ് ഗൃഹനാഥയുടെ കഴുത്തില്‍ കിടന്ന മൂന്നര പവന്റെ സ്വര്‍ണമാലയുമായി കടക്കാന്‍ ശ്രമിച്ചു. വീട്ടമ്മയുടെ നിലവിളി കേട്ട് സ്ഥലത്തെത്തിയ നാട്ടുകാര്‍ യുവാവിനെ ഓടിച്ചിട്ട് പിടികൂടി പോലീസിന് കൈമാറുകയായിരുന്നു. കഠിനംകുളം ചാന്നാങ്കര സ്വദേശി ജോയി(35)യാണ് പിടിയിലായത്.
ശ്രീകാര്യം ഗാന്ധിപുരത്തെ സന്തോഷ്‌കുമാറിന്റെ വീട്ടില്‍ സന്തോഷ്‌കുമാറിന്റെ സഹോദരനെ പരിചരിക്കാന്‍ വെമ്പായത്തെ ഒരു ഏജന്‍സിയില്‍ നിന്നാണ് ജോയിയെ കഴിഞ്ഞ ദിവസം ജോലിക്ക് പറഞ്ഞ് വിട്ടത്. കഴിഞ്ഞ ദിവസം വൈകുന്നേരം ജോലിക്കെത്തിയ ജോയി സന്തോഷ്‌കുമാറിന്റെ മാതാവിന്റെ കഴുത്തില്‍ കിടന്ന മൂന്നരപവന്റെ സ്വര്‍ണമാല പിടിച്ചുപറിച്ച ശേഷം രക്ഷപ്പെടാന്‍ ശ്രമിക്കുകയായിരുന്നു. നാട്ടുകാര്‍ വിവരമറിയച്ചതിനെ തുടര്‍ന്ന് ശ്രീകാര്യം എസ് ഐ രാജേഷ്‌കുമാറിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി ജോയിയെ അറസ്റ്റ് ചെയ്യുകയായിരുന്നു. നാട്ടുകാരുടെ മര്‍ദനത്തില്‍ പരിക്കേറ്റ ഇയാളെ പോലീസ് ആശുപത്രിയിലെത്തിച്ച് ചികിത്സ നലികി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Latest
സുഗന്ധഗിരി മരംമുറിക്കല്‍ കേസ്; ഡിഎഫ്ഒക്കെതിരായ നടപടി മരവിപ്പിച്ചത് നടപടിക്രമങ്ങളിലെ പാളിച്ചയെ തുടര്‍ന്നെന്ന് മന്ത്രി
മലബാര്‍ പൊറോട്ടയുടെ ജി എസ് ടി 18 ശതമാനം ആക്കണമെന്ന അപ്പലേറ്റ് അതോറിറ്റിയുടെ ഉത്തരവ് ഹൈക്കോടതി തള്ളി
പഞ്ചാബിലെ സംഗ്രൂര്‍ ജയിലില്‍ തടവുകാര്‍ തമ്മില്‍ സംഘര്‍ഷം; രണ്ട് മരണം
നെസ്ലെയുടെ സെറലാക്കില്‍ ഉയര്‍ന്ന അളവില്‍ പഞ്ചസാര; അന്വേഷണത്തിന് ഉത്തരവിട്ട് സിസിപിഎ
വോട്ടര്‍മാര്‍ക്ക് പണം നല്‍കാന്‍ എത്തിയെന്ന് ആരോപണം; മദ്യ വ്യവസായിയെ തടഞ്ഞു
സംവിധായകന്‍ ജോഷിയുടെ വീട്ടില്‍ മോഷണം; ഒരു കോടിയുടെ വസ്തുക്കള്‍ കവര്‍ന്നു
