Gulf
നൗഫലിന്റെ വേര്‍പാട് വിശ്വസിക്കാന്‍ കഴിയാതെ സുഹൃത്തുക്കള്‍
അല്‍ ഐന്‍: ഏതാനും മാസങ്ങള്‍ക്ക് മുമ്പ് ജോലി ഒഴിവാക്കി നാട്ടില്‍ പോയ മുഹമ്മദ് നൗഫലിന്റെ അപകട മരണം സുഹൃത്തുക്കളില്‍ നടുക്കമുളവാക്കി.
കഴിഞ്ഞ ദിവസം കൊടുവള്ളിയില്‍ കെ എസ് ആര്‍ ടി സി ബസും ബൈക്കും കൂട്ടിയിടിച്ചായിരുന്നു അപകടം. നാലു വര്‍ഷത്തോളം അല്‍ ഐന്‍ അഡ്‌നോക്കിന്റെ വിവിധ സ്‌റ്റേഷനുകളില്‍ ജോലി ചെയ്ത നൗഫല്‍ മര്‍കസുസ്സഖാഫത്തി സുന്നിയ്യയുടെ തൊഴില്‍ദാന പദ്ധതിയിലൂടെയാണ് അഡ്‌നോക്കില്‍ എത്തിയത്. സുഹൃത്തുക്കള്‍ക്കിടയിലും അല്ലാത്തവരോടും സൗമ്യമായ പെരുമാറ്റവും വശ്യമായ സ്വഭാവവും നൗഫലിനെ എല്ലാവര്‍ക്കും പ്രിയപ്പെട്ടവനാക്കി. സാമ്പത്തികമായി പ്രയാസപ്പെടുന്ന കുടുംബത്തിന്റെ ആശ്രയമായിരുന്നു നൗഫല്‍.
പെരുന്നാള്‍ ദിവസം കുടുംബ വീട്ടില്‍ സന്ദര്‍ശനം കഴിഞ്ഞ് മടങ്ങുമ്പോള്‍ കൊടുവള്ളിയില്‍ വെച്ചായിരുന്നു അപകടം. ഒപ്പം യാത്ര ചെയ്തിരുന്ന സുഹൃത്ത് സാജിദും അപകടത്തില്‍ മരിച്ചു. സുഹൃത്തുക്കളുടെ മരണം നാടിനും നൊമ്പരമായി. താമരശ്ശേരി കോരാങ്ങാട് വട്ടക്കൊരുവയലില്‍ പി കെ മുഹമ്മദിന്റെ മൂത്തമകനാണ് നൗഫല്‍.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
