Gulf
റമസാന്‍ രാത്രികാല ചന്തക്ക് തുടക്കമായി
ദുബൈ: റമസാന്‍ രാത്രികാല ചന്തക്ക് തുടക്കമായി. വേള്‍ഡ് ട്രെയ്ഡ് സെന്ററില്‍ ദുബൈ ചേംബര്‍ ഓഫ് കൊമേഴ്‌സ് ആന്‍ഡ് ഇന്റെസ്ട്രി ചെയര്‍മാന്‍ അബ്ദുല്‍റഹ്മാന്‍ സെയ്ഫ് അല്‍ ഗുറൈര്‍ ഉദ്ഘാടനം ചെയ്തു.
ഹാള്‍ നമ്പര്‍ ഏഴ്, എട്ട് എന്നിവിടങ്ങളിലായാണ് രാത്രി എട്ട് മുതല്‍ പുലര്‍ച്ചെ രണ്ടു വരെ ചന്ത പ്രവര്‍ത്തിക്കുക. ചെറിയ പെരുന്നാള്‍ ദിനത്തില്‍ വൈകുന്നേരം അഞ്ചു മുതല്‍ രാത്രി 12 വരെയാവും സമയം. ഓഗസ്റ്റ് പത്തിന് അവസാനിക്കും. 10 ദിവസത്തെ മേളയില്‍ ഒരു ലക്ഷം സന്ദര്‍ശകരെയാണ് പ്രതീക്ഷിക്കുന്നത്. അറേബ്യന്‍ സൂക്ക്, ഫാഷന്‍ പവലിയന്‍, ഫുഡ് പവലിയന്‍, ഹെല്‍ത്ത് ആന്‍ഡ് ബ്യൂട്ടി ബേ, സ്‌പെഷല്‍ കിഡ്‌സ് സോണ്‍ എന്നിവയാണ് ഈ വര്‍ഷത്തെ ആകര്‍ഷണമെന്ന് മുഖ്യ സംഘാടകരായ സുമാന്‍സ എക്‌സ്ബിഷന്‍സിന്റെ സി ഇ ഒ സുനില്‍ ജയ്‌സ്വാള്‍ വ്യക്തമാക്കി. 400 ഔട്ട്‌ലെറ്റുകളാവും ഉണ്ടാവുക. അഞ്ച് വേറിട്ട പവലിയനുകളും ഒരുക്കുന്നുണ്ട്. സാധനങ്ങള്‍ പരമാവധി വിലപേശി വാങ്ങാന്‍ അവസരം ഉണ്ടാവും. ഗിഫ്റ്റ് ഐറ്റംസ്, പാദരക്ഷകള്‍, ഇലക്ട്രോണിക്‌സ് ഉപകരണങ്ങള്‍, പെര്‍ഫ്യൂംസ്, കോസ്‌മെറ്റിക്‌സ്, ആഭരണങ്ങള്‍, ഗൃഹോപകരണങ്ങള്‍ തുടങ്ങി ഭൂമിക്ക് താഴെയുള്ള വില്‍പ്പനക്കുള്ളതെല്ലാം ഇവിടെ സജ്ജമാക്കിയതായും അദ്ദേഹം വിശദീകരിച്ചു.
Latest
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
വെറുപ്പിനെ പരാജയപ്പെടുത്തി രാജ്യത്തിന്റെ മുക്കിലും മൂലയിലും സ്‌നേഹത്തിന്റ കട തുറക്കണമെന്ന് രാഹുല്‍ ഗാന്ധി
ലോക്‌സഭാ തിരഞ്ഞെടുപ്പ്: തമിഴ്നാട്ടില്‍ ആദ്യഘട്ടത്തില്‍ വോട്ട് ചെയ്ത് താരങ്ങളും പ്രമുഖരും
