Kerala
ഇടത് യുവജന സംഘടനാ മാര്‍ച്ചില്‍ സംഘര്‍ഷം; പോലീസിനും മാധ്യമപ്രവര്‍ത്തകര്‍ക്കും പരുക്ക്‌
കോഴിക്കോട്/മലപ്പുറം: സോളാര്‍ തട്ടിപ്പ് കേസില്‍ ആരോപണവിധേയനായ മുഖ്യമന്ത്രി ഉമ്മന്‍ ചാണ്ടി രാജിവെക്കണമെന്നാവശ്യപ്പെട്ട് കലക്ടറേറ്റുകളിലേക്ക് ഇടത് യുവജനസംഘടനകള്‍ നടത്തിയ മാര്‍ച്ചില്‍ സംഘര്‍ഷം. നിരവധി പോലീസുകാര്‍ക്കും സംഘടനാ പ്രവര്‍ത്തകര്‍ക്കും പരുക്കേറ്റു.
കോഴിക്കോട് കലക്ടറേറ്റിലേക്ക് നടത്തിയ മാര്‍ച്ചിനിടെ നോര്‍ത്ത് എ സി പ്രിന്‍സ് എബ്രഹാം ഉള്‍പ്പെടെ മുപ്പതില്‍പ്പരം പോലീസുകാര്‍ക്കും നിരവധി യുവജനസംഘടനാ പ്രവര്‍ത്തകര്‍ക്കും മാധ്യമപ്രവര്‍ത്തകര്‍ക്കും പരുക്കേറ്റു. മാതൃഭൂമി ഫോട്ടോഗ്രാഫര്‍ കെ കെ സന്തോഷ്, ദീപികാ ഫോട്ടോഗ്രാഫര്‍ ബി അനുഷ്, കൈരളി ചാനല്‍ ഡ്രൈവര്‍ റിയാസ്, ക്യാമറാമാന്‍ കെ കെ ഷിനു, എ സി വി റിപ്പോര്‍ട്ടര്‍ ഷമീര്‍ എന്നിവര്‍ക്കാണ് പരുക്കേറ്റത്.
പരുക്കേറ്റ 15 യുവജന സംഘടനാ പ്രവര്‍ത്തകരില്‍ രണ്ട് പേരുടെ നില ഗുരുതരമാണ്.
മലപ്പുറം കലക്ടറേറ്റിലേക്ക് നടത്തിയ മാര്‍ച്ചിനിടെ പോലീസ് ലാത്തിച്ചാര്‍ജില്‍ ഡി വൈ എഫ് ഐ സംസ്ഥാന ജോയിന്റ് സെക്രട്ടറി പി എ മുഹമ്മദ് റിയാസ്, മലപ്പുറം ജില്ലാ സെക്രട്ടറി അബ്ദുല്ല നവാസ് എന്നിവരടക്കം മുപ്പതോളം പേര്‍ക്കും 14 പോലീസുകാര്‍ക്കും പരുക്കേറ്റു.
തലക്ക് പരുക്കേറ്റ റിയാസിനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. സമരത്തെ തുടര്‍ന്ന് ഒന്നര മണിക്കൂറോളം മലപ്പുറം നഗരത്തില്‍ ഗതാഗതവും മുടങ്ങി
Latest
ചുഴിയില് കരുതല്;വോട്ടില് കണ്ണ്
വയനാട്ടില് വോട്ട് പിടിക്കാന് ഭക്ഷ്യ കിറ്റുകള്; പോലീസ് പിടികൂടി
വയനാട്: ഇവിടെ ഇന്ത്യ തന്നെ മുഖ്യം
ഇന്ത്യക്കായി "ഇന്ത്യ' ജയിക്കും
അതിനെല്ലാം ഇടതുപക്ഷമേ ഉള്ളൂ
രാജ്യം ടി എന് ശേഷനെ ഓര്ക്കുന്നു
