International
സ്‌നോഡന്‍ ഹോംഗ്‌കോംഗ് വിട്ടു
ഹോങ്കോംഗ്: അമേരിക്ക വ്യാപകമായി ഫോണ്‍ ചോര്‍ത്തല്‍ നടത്തിയതുമായി ബന്ധപ്പെട്ട നിര്‍ണായക വിവരങ്ങള്‍ പുറത്തുവിട്ട യു എസ് മുന്‍ ഇന്റലിജന്‍സ് ടെക്‌നീഷ്യന്‍ എഡ്വേര്‍ഡ് സ്‌നോഡന്‍ ഹോംഗ്‌കോംഗ് വിട്ടു. പ്രാദേശിക സര്‍ക്കാര്‍ ഇക്കാ്യം സ്ഥിരീകരിച്ചിട്ടുണ്ട്. ഹോംഗോംഗ് വിട്ട സ്‌നോഡന്‍ മോസ്‌കോയിലേക്കാണ് അഭയം തേടി പോയതെന്നാണ് കരുതുന്നത്. എന്നാല്‍, ഇക്കാര്യം സ്ഥിരീകരിക്കാന്‍ ഹോംഗോംഗിലെ അധികൃതര്‍ തയ്യാറായിട്ടില്ല. കൂടുതല്‍ വിവരങ്ങള്‍ വെളിപ്പെടുത്താന്‍ തയ്യാറാകാതിരുന്ന അധികൃതര്‍ സ്വമേധയാ ആണ് സ്‌നോഡന്‍ ഹോംഗോംഗ് വിട്ടതെന്ന് പത്രക്കുറിപ്പിലൂടെ അറിയിച്ചു.
അതേസമയം, മോസ്‌കോ അദ്ദേഹത്തിന്റെ അവസാന അഭയകേന്ദ്രമാകില്ലെന്നാണ് സൂചന. ക്യൂബ, ഇക്വഡോര്‍, ഐസ്‌ലാന്‍ഡ്, വെനിസ്വേല എന്നീ രാജ്യങ്ങളിലേതെങ്കിലും ഒന്നായിരിക്കും സ്‌നോഡെന്‍ അഭയം തേടാന്‍ തിരഞ്ഞെടുക്കുകയെന്നാണ് സൂചന. സ്‌നോഡന്റെ പേരില്‍ എയ്‌റോഫ്‌ളോട്ട് എയര്‍ലൈനില്‍ മോസ്‌കോയില്‍ നിന്ന് ക്യൂബന്‍ തലസ്ഥാനമായ ഹവാനയിലേക്ക് ടിക്കറ്റ് ബുക്ക് ചെയ്തിട്ടുണ്ടെന്ന് റഷ്യയിലെ വാര്‍ത്താ ഏജന്‍സി റിപ്പോര്‍ട്ട് ചെയ്തു. ഹവാനയില്‍ നിന്ന് വെനിസ്വേലയുടെ തലസ്ഥാനമായ കാരക്കസിലേക്ക് പോകുമെന്നും റിപ്പോര്‍ട്ടില്‍ പറയുന്നു. സ്‌നോഡെന്‍ മോസ്‌കോ വിടുമെന്ന കാര്യം റഷ്യന്‍ വിദേശകാര്യ മന്ത്രി സ്ഥിരീകരിച്ചിട്ടുണ്ട്.
സ്‌നോഡനിതിരെ അമേരിക്ക ചാരവൃത്തി ഉള്‍പ്പെടെയുള്ള കുറ്റങ്ങള്‍ ചുമത്തിയിരുന്നു. രാജ്യദ്രോഹ കുറ്റം നടത്തിയ സ്‌നോഡനെ എത്രയും പെട്ടെന്ന് അറസ്റ്റ് ചെയ്യണമെന്ന് കോടതി നിര്‍ദേശം നല്‍കിയിട്ടുണ്ട്. സ്‌നോഡനെ വിട്ടുകിട്ടാന്‍ ഹോംഗോംഗുമായി സംസാരിക്കുമെന്ന് യു എസ് അറിയിച്ചതിനു പിന്നാലെയാണ് രാജ്യം വിട്ടത്.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
