Kozhikode
ഗ്രൂപ്പുകള്‍ തമ്മില്‍ ഏറ്റുമുട്ടി; മുജാഹിദുകള്‍ക്ക് പള്ളിയുടെ അധികാരം നഷ്ടപ്പെട്ടു
വടകര: ഗ്രൂപ്പുകള്‍ തമ്മില്‍ ഏറ്റുമുട്ടിയതിനെ തുടര്‍ന്ന് മുജാഹിദുകള്‍ക്ക് പള്ളിയുടെ അധികാരം നഷ്ടപ്പെട്ടു. പള്ളിയുടെ നിയന്ത്രണം പരിപാലനകമ്മിറ്റി ഏറ്റെടുത്തു. വടകര താഴെ അങ്ങാടി മുനിസിപ്പല്‍ ഓഫീസിന് സമീപമുള്ള മസ്ജിദുല്‍ മുജാഹിദീനിലാണ് കഴിഞ്ഞ വെള്ളിയാഴ്ച്ച മഗ്‌രിബ് നിസ്‌കാര സമയത്ത് എ പി വിഭാഗം മുജാഹിദിലെ ഔദ്യോഗിക വിഭാഗവും ജിന്ന് വിഭാഗവും ഏറ്റുമുട്ടിയത്. സംഘര്‍ഷത്തെ തുടര്‍ന്ന് പോലീസ് പള്ളി പൂട്ടി.
തുടര്‍ന്ന് മുജാഹിദിലെ എ പി വിഭാഗം, മടവൂര്‍ വിഭാഗം, സക്കരിയ സ്വലാഹി ഗ്രൂപ്പ് എന്നിവരുമായി നടത്തിയ ചര്‍ച്ചയില്‍ സ്ഥലത്തെ പൗരപ്രമുഖനായ അഡ്വ. അബ്ദുല്ല മണപ്രത്തിനെ പ്രശ്‌നം പരിഹരിക്കാന്‍ പള്ളിയുടെ താക്കോല്‍ ഏല്‍പ്പിക്കുകയുമായിരുന്നു. തുടര്‍ന്ന് നടന്ന ചര്‍ച്ചയിലാണ് മൂന്ന് വിഭാഗവും ചേര്‍ന്ന് പള്ളിയുടെ ചുമതല പരിപാലന കമ്മിറ്റിയെ ഏല്‍പ്പിച്ചത്.
പള്ളിയുടെ ഭരണചുമതല ഇനിമുതല്‍ ഒരു സംഘടനയിലും അംഗമല്ലാത്തവരുടെ നിയന്ത്രണത്തിലാകും. പള്ളിയില്‍ നിസ്‌കാരത്തിന് നേതൃത്വം നല്‍കാന്‍ സംസ്ഥാനത്തിന് പുറത്ത് നിന്നുള്ള ആളെ ഇമാമായി നിയമിക്കാനും തീരുമാനിച്ചു.
Latest
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
കേരളത്തില്‍ ഉയര്‍ന്ന താപനില തുടരുന്നു; പാലക്കാട് ഉഷ്ണതരംഗ മുന്നറിയിപ്പ്
കേരളത്തില്‍ ഇന്നു നിശ്ശബ്ദ പ്രചാരണം; നാളെ ബൂത്തിലേക്ക്
മതത്തിന്റെ പേരില്‍ വോട്ടു തേടല്‍; നരേന്ദ്ര മോദിക്ക് ക്ലീന്‍ ചിറ്റ് നല്‍കി തെരഞ്ഞെടുപ്പ് കമ്മീഷന്‍
ചുഴിയില്‍ കരുതല്‍;വോട്ടില്‍ കണ്ണ്‌
