Gulf
മഴ: 13 കുടുംബങ്ങളെ മാറ്റി പാര്‍പ്പിച്ചെന്ന് അധികൃതര്‍
ഷാര്‍ജ: കഴിഞ്ഞ ദിവസങ്ങളില്‍ എമിറേറ്റിന്റെ വിവിധ ഭാഗങ്ങളില്‍ ഉണ്ടായ കനത്ത മഴയില്‍ 13 കുടുംബങ്ങളെ മാറ്റി പാര്‍പ്പിച്ചതായി അധികൃതര്‍ വ്യക്തമാക്കി. ഷാര്‍ജയുടെ കിഴക്കന്‍ മേഖലയായ അല്‍ ഗയിലില്‍ നിന്നുള്ളവരെയാണ് വെള്ളപൊക്കത്തെ തുടര്‍ന്ന് മാറ്റിപാര്‍പ്പിച്ചത്. ഖോര്‍ഫുക്കാന്‍, കല്‍ബ, ദിബ്ബ അല്‍ ഹിസന്‍, മദാഹ് തുടങ്ങിയ പ്രദേശങ്ങളിലായിരുന്നു ചൊവ്വാഴ്ച കനത്തമഴ പെയ്തത്. മദാഹ് മേഖലയില്‍ നിന്നും ചെറിയ തോതിലുള്ള നാശനഷ്ടം റിപോര്‍ട്ട് ചെയ്തിരുന്നു.
ഘോര്‍ഫുക്കാനിലെ ശൈഖ് ഖാലിദ് അല്‍ ഖാസിമി സ്ട്രീറ്റിലെ പുതിയ എക്‌സ്‌പോ കെട്ടിടത്തിന് സമീപത്തെ അല്‍ മദാവി മേഖലയിലെ റോഡുകളും വെള്ളപൊക്കത്തില്‍ മുങ്ങിപോയിരുന്നു. എന്നാല്‍ എവിടെയും കാര്യമായ വാഹനാപകടങ്ങള്‍ മഴയുമായി ബന്ധപ്പെട്ട് റിപോര്‍ട്ട് ചെയ്തിരുന്നില്ല.
അല്‍ ഹിലോ താഴ്‌വരയില്‍ മലമുകളില്‍ നിന്നും കല്ലുകളും പാറകഷ്ണങ്ങളും അടര്‍ന്ന് വീണത് വാഹന ഗതാഗതം തടസപ്പെടാന്‍ ഇടയാക്കിയിരുന്നു. ഇതിനെ തുടര്‍ന്ന് താഴ്‌വരയിലേക്ക് പോകരുതെന്ന് ഷാര്‍ജ പോലീസ് അഭ്യര്‍ഥിച്ചിരുന്നു.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
