സഊദിയില്‍ തൊഴില്‍ നഷ്ടപ്പെടുന്ന മലയാളികളെ പുനരധിവസിപ്പിക്കണം: എസ് വൈ എസ്

ഒറ്റപ്പാലം: സ്വദേശിവത്ക്കരണത്തിന്റെ പേരില്‍ സഊദിയില്‍ വരുന്ന മലയാളികളെ പുനരധവസിപ്പിക്കാന്‍ നടപടി സ്വീകരിക്കണമെന്ന് എസ് വൈ എസ് ജില്ലാ പ്രതിനിധി സമ്മേളനം പ്രമേയത്തിലൂടെ കേന്ദ്ര- സംസ്ഥാന സര്‍ക്കാറുകളോട് ആവശ്യപ്പെട്ടു. സ്വദേശിവത്ക്കരണം മൂലം അനേകായിരം മലയാളികള്‍ക്കാണ് തൊഴില്‍ നഷ്ടമാകുന്നതോടൊപ്പം നിരവധി കുടുംബങ്ങളുടെ ജീവിതവും വഴി മുട്ടും. സഊദിയുടെ ആഭ്യന്തരകാര്യത്തില്‍ ഇടപെടാതെതന്നെ മലയാളികള്‍ക്ക് സുരക്ഷിതമായി തൊഴില്‍ ചെയ്യുന്നതിന് സഊദിയില്‍ സൗകര്യം ഒരുക്കാന്‍ കേന്ദ്രസര്‍ക്കാര്‍ ശ്രമിക്കണമെന്നും പ്രമേയത്തിലൂടെ ആവശ്യപ്പെട്ടു.
രൂക്ഷമായ വരള്‍ച്ചയായ മൂലം കഷ്ടപ്പെടുന്ന ജില്ലയിലെ കര്‍ഷകരെ രക്ഷിക്കാന്‍ പ്രത്യേക പാക്കേജ് നടപ്പിലാക്കണമെന്നും പ്രമേയത്തിലൂടെ പ്രതിനിധിസമ്മേളനം സംസ്ഥാന സര്‍ക്കാറിനോടാവശ്യപ്പെട്ടു. പറമ്പിക്കുളം – ആളിയാര്‍ പ്രകാരം സംസ്ഥാനത്തിന് അര്‍ഹമായ വെള്ളം ലഭ്യമാക്കി കിഴക്കന്‍മേഖലയിലെ കുടിവെള്ള ക്ഷാമം പരിഹരിക്കാന്‍ നടപടി സ്വീകരിക്കണമെന്നും ജില്ലയില്‍ രൂക്ഷമായി കൊണ്ടിരിക്കുന്ന കുടിവെള്ളക്ഷാമം പരിഹരിക്കാന്‍ യുദ്ധകാലാടിസ്ഥാനത്തില്‍ നടപടി സ്വീകരിക്കണം.
ധര്‍മ്മ പതാകയേന്തുക എന്ന പ്രമേയവുമായി എസ വൈ എസ് പാലക്കാട് ജില്ലാ പ്രതിനിധി സമ്മേളനം പ്രസിഡണ്ട് എന്‍.കെ.സിറാജുദ്ദീന്‍ ഫൈസിയുടെ അധ്യക്ഷതയില്‍ സമസ്ത ജില്ലാ മുഖ്യ കാര്യദര്‍ശി എം പി അബ്ദുള്‍ റഹ് മാന്‍ ഫൈസി ഉദ്ഘാടനം ചെയ്തു. സംസ്ഥാന സെക്രട്ടറി മുഹമ്മദ് പറവൂര്‍ മുഖ്യ പ്രഭാഷണം നടത്തി.
സഈദ് കൈപ്പുറം വാര്‍ഷിക റിപ്പോര്‍ട്ടും പി പി മുഹമ്മദ് കുട്ടി മാസ്റ്റര്‍ വരവ് ചിലവ് കണക്കും അവതരിപ്പിച്ചു.സംസ്ഥാന ഉപാധ്യക്ഷന്‍ കൂറ്റമ്പാറ അബ്ദുള്‍ റഹ്മാന്‍ ദാരിമി പുനഃസംഘടനക്ക് നേതൃത്വം നല്‍കി.സുലൈമാന്‍ ചുണ്ടമ്പറ്റ,നൂര്‍ മുഹമ്മദ് ഹസ്‌റത്ത്, നൂര്‍ മുഹമ്മദ് ഹാജി, ഉമര്‍ മദനി, ഉമര്‍ ഓങ്ങല്ലൂര്‍ എന്നിവര്‍ പ്രസംഗിച്ചു.സാരഥികള്‍: എന്‍ കെ സിറാജുദ്ദീന്‍ ഫൈസി (പ്രസിഡന്റ്), എം വി സിദ്ദീഖ് സഖാഫി (ജനറല്‍ സെക്രട്ടറി), പി പി മുഹമ്മദ് കുട്ടി മാസ്റ്റര്‍ (ട്രഷറര്‍), കെ ഉണ്ണീന്‍ കുട്ടി സഖാഫി (സംഘടനാ കാര്യ വൈസ് പ്രസിഡന്റ്), യു എ മുബാറക് സഖാഫി (ഭരണ കാര്യ വൈസ് പ്രസിഡന്റ്), കെ ഉസ്മാന്‍ സഖാഫി (ദഅ്‌വാ കാര്യ വൈസ് പ്രസിഡന്റ്), ടി അബ്ദുള്‍ ഖാദിര്‍ മുസ്‌ലിയാര്‍ (ക്ഷേമ കാര്യ വൈസ് പ്രസിഡന്റ്),സുലൈമാന്‍ ചുണ്ടമ്പറ്റ (സംഘടനാ കാര്യ സെക്രട്ടറി), അശ്‌റഫ് മമ്പാട് (ഭരണകാര്യ സെക്രട്ടറി), എം എ നാസര്‍ സഖാഫി (ദഅ്‌വാ കാര്യ സെക്രട്ടറി), പി അലിയാര്‍ മാസ്റ്റര്‍ (ക്ഷേമകാര്യ സെക്രട്ടറി),സമാപന സമ്മേളനം എന്‍ കെ സിറാജുദ്ദീന്‍ ഫൈസിയുടെ അധ്യക്ഷതയില്‍ സമസ്തഃ ജില്ലാ പ്രസിഡന്റ് കൊമ്പം കെ പി മുഹമ്മദ് മുസ്‌ലിയാര്‍ ഉദ്ഘാടനം ചെയ്തു.സംസ്ഥാന ഉപാധ്യക്ഷന്‍മാരായ കൂറ്റമ്പാറ അബ്ദുള്‍ റഹ്മാന്‍ ദാരിമി,മാരായമംഗലം അബ്ദുള്‍ റഹ്മാന്‍ ഫൈസി എന്നിവര്‍ ക്ലാസുകള്‍ എടുത്തു. യു എ മുബാറക് സഖാഫി,ഉമര്‍ ഫൈസി മാരായമംഗലം,മുസ്ഥഫ ആറ്റാശ്ശേരി,സഈദ് കൈപ്പുറം,സുലൈമാന്‍ ചുണ്ടമ്പറ്റ, എം എ നാസര്‍ സഖാഫി എന്നിവര്‍ പ്രസംഗിച്ചു.