Kozhikode
രോഗിയായ യാത്രക്കാരനെ ബസില്‍ നിന്ന് തള്ളിയിട്ടതായി പരാതി
കുറ്റിയാടി: ചികിത്സക്കായി ആശുപത്രിയിലേക്ക് പോകുകയായിരുന്ന രോഗിയായ യാത്രക്കാരനെ ബസില്‍ നിന്നും തള്ളി താഴെയിട്ടതായി പരാതി. തീക്കുനിയിലെ ചെട്ട്യാംകണ്ടി കണാരന്‍ (55)നെയാണ് ആയഞ്ചേരി- വടകര- കുറ്റിയാടി റൂട്ടിലോടുന്ന പ്രവീണ്‍ ബസില്‍ നിന്ന് ജീവനക്കാര്‍ പിടിച്ചു തള്ളിയത്. പരുക്കേറ്റ കണാരനെ കുറ്റിയാടി ഗവ. ആശുപത്രിയില്‍ പ്രവേശിപ്പിച്ചു.
വടകരയില്‍ നിന്നും കുറ്റിയാടിയിലേക്ക് പോകുകയായിരുന്ന ബസ് ഉച്ചക്ക് തീക്കുനി ബൈപാസിലെത്തിയപ്പോഴാണ് ഹൃദ്‌രോഗിയായ തന്നെ ജീവനക്കാര്‍ തള്ളിയതെന്ന് കണാരന്‍ പരാതിയില്‍ പറയുന്നു. എല്ലാ ബസുകളും തീക്കുനി ടൗണില്‍ യാത്രക്കാരെ ഇറക്കിയും കയറ്റിയും പോകാറാണ് പതിവ്. തീക്കുനി ടൗണിലേക്ക് പോകണമെന്ന് പറഞ്ഞതിനാണ് തന്നെ വഴിയില്‍ തള്ളിയതെന്ന് കണാരന്‍ പറഞ്ഞു. മുന്നില്‍ ഓടുന്ന കെ എസ് ആര്‍ ടി സി ബസിനെ മറികടക്കാനുള്ള ശ്രമത്തിന്റെ ഭാഗമായാണ് ബസ് ബൈപ്പാസില്‍ നിര്‍ത്തിതെന്ന് യാത്രക്കാര്‍ ആരോപിച്ചു.
ബസ് കുറ്റിയാടി പോലീസ് കസ്റ്റഡിയിലെടുത്ത് കേസ് റജിസ്റ്റര്‍ ചെയ്തു.
Latest
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
