Malappuram
മഞ്ചേരി നഗരസഭയുടെ അധ്യാപക ക്വാര്‍ട്ടേഴ്‌സുകള്‍ സാമൂഹിക വിരുദ്ധര്‍ താവളമാക്കുന്നു
മഞ്ചേരി: അധ്യാപകരുടെ ക്വാര്‍ട്ടേഴ്‌സുകള്‍ സാമൂഹിക വിരുദ്ധരുടെ താവളമാകുന്നു. കച്ചേരിപ്പടി ഗവ.ഹയര്‍സെക്കന്‍ഡറി സ്‌കൂളിനും അരുകിഴായ പുതിയ ബസ് സ്റ്റാന്‍ഡിനുമിടയിലാണ് ഭാര്‍ഗവീ നിലയം പോലെ രണ്ട് ക്വാര്‍ട്ടേഴ്‌സുകള്‍.
മഞ്ചേരി നഗരസഭയുടെ അധീനതയിലുള്ള ഗവ.ബോയ്‌സ് ഹയര്‍സെക്കന്‍ഡറി സ്‌കൂള്‍ അധ്യാപകര്‍ക്കുവേണ്ടി പണിത ക്വാര്‍ട്ടേഴ്‌സുകള്‍ക്കാണ് ഈ ദുരവസ്ഥ. പത്തുവര്‍ഷത്തിലധികമായി അധ്യാപകരോ സ്‌കൂള്‍ പി ടി എ കമ്മിറ്റിയോ തിരിഞ്ഞുനോക്കാത്തതിനാല്‍ കെട്ടിടത്തിന്റെ മരംകൊണ്ടുള്ള വാതില്‍ ജനല്‍ കട്ടിളുകളും മറ്റും അടര്‍ത്തിയെടുത്തുപോയിട്ടുണ്ട്.
ചുറ്റുമതിലില്ലാത്തതിനാല്‍ ഏതു സമയത്തും സാമൂഹിക വിരുദ്ധരുടെ വിളയാട്ടമാണിവിടെ. മദ്യം, മയക്കുമരുന്ന് തുടങ്ങി എല്ലാ അനാശാസ്യ പ്രവര്‍ത്തനങ്ങളും ഇവിടെ കണ്ടുവരുന്നതായി നാട്ടുകാര്‍ ആരോപിക്കുന്നു. ക്വാര്‍ട്ടേഴ്‌സ് പരിസരത്ത് അനധികൃത മദ്യ വ്യാപാരവും തകൃതിയായി നടക്കുന്നുണ്ട്.
ഏതു നിമിഷവും നിലംപൊത്താറായ കെട്ടിടം നഗരസഭക്ക് ബാധ്യതയായിട്ടുണ്ട്. നഗരത്തിന്റെ കണ്ണായ സ്ഥലത്ത് കോടികള്‍ വിലവരുന്ന സ്ഥലത്താണ് കെട്ടിടങ്ങള്‍. ഇത് പൊളിച്ചുമാറ്റി ആധുനിക രീതിയിലുള്ള ഫഌറ്റുകള്‍ നിര്‍മിച്ചാല്‍ സര്‍ക്കാര്‍ അധ്യാപകര്‍ക്കും ഇതര ജീവനക്കാര്‍ക്കും ഉപകാരപ്രദമാകും. നഗരസഭയുടെ ഉടമസ്ഥതയിലുള്ള നിരവധി കെട്ടിടങ്ങള്‍ ഇത്തരത്തില്‍ നശിച്ചിട്ടുണ്ട്.
Latest
ലോക്‌സഭ തിരഞ്ഞെടുപ്പിന് സ്വകാര്യ മേഖലയിലെ ജീവനക്കാര്‍ക്ക് അവധി
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
