Kannur
കണ്ണൂര്‍ യൂനിവേഴ്‌സിറ്റി വിദൂര വിഭാഗം വിദ്യാര്‍ഥികളോട് നീതി കാണിക്കണം
കണ്ണൂര്‍: കണ്ണൂര്‍ യൂനിവേഴ്‌സിറ്റി വിദൂര വിഭാഗം വിദ്യാര്‍ഥികളോട് നീതി കാണിക്കണമെന്ന് പാരലല്‍ കോളജ് അസോസിയേഷന്‍ ജില്ലാ പ്രതിനിധി സമ്മേളനമാവശ്യപ്പെട്ടു.
ഒന്നാം വര്‍ഷ ഡിഗ്രി കോഴ്‌സിന് 20,000 കുട്ടികള്‍ രജിസ്റ്റര്‍ ചെയ്തതില്‍ 90 ശതമാനത്തിലധികം പേരും പാരലല്‍ കോളജ് വഴിയാണ് തുടര്‍പഠനം നടത്തുന്നത്. ഇപ്പോഴും അധിക വിഷയങ്ങളുടെയും പഠന സാമഗ്രികള്‍ ലഭ്യമായിട്ടില്ല. കോണ്‍ടാക്ട് ക്ലാസുകള്‍ വെറും പ്രഹസനമായി മാറുകയാണ്. പഠനസാമഗ്രികളും കോണ്‍ടാക്ട് ക്ലാസും ഒഴിവാക്കി കാലിക്കറ്റ് യൂനിവേഴ്‌സിറ്റിയിലുള്ളത് പോലെ രജിസ്റ്റര്‍ ചെയ്ത് പഠിക്കാനുള്ള അവസരമൊരുക്കണമെന്നും അസോസിയേഷന്‍ ആവശ്യപ്പെട്ടു.
സമ്മേളനം സംസ്ഥാന പ്രസിഡന്റ് കെ എന്‍ രാധാകൃഷ്ണന്‍ ഉദ്ഘാടനം ചെയ്തു. കെ പി ജയബാലന്‍ അധ്യക്ഷത വഹിച്ചു. സംസ്ഥാന പ്രസിഡന്റായി തിരഞ്ഞെടുക്കപ്പെട്ട കെ എന്‍ രാധാകൃഷ്ണനെ അനുമോദിച്ചു. രാജേഷ് പാലങ്ങാട്ട്, കെ പ്രകാശന്‍, കെ യു യതീന്ദ്രന്‍, ടി വി രവീന്ദ്രന്‍ പ്രസംഗിച്ചു.
പുതിയ ഭാരവാഹികളായി എം വി പുരുഷോത്തമന്‍, സി അനില്‍കുമാര്‍(രക്ഷാധികാരികള്‍), സി അനില്‍കുമാര്‍, രാജേഷ് പാലങ്ങാട്ട്(സംസ്ഥാന നിര്‍വാഹക സമിതിയംഗം), കെ പി ജയബാലന്‍(പ്രസി.), കെ പ്രകാശന്‍, സി ശശീന്ദ്രന്‍, യു നാരായണന്‍(വൈ.പ്രസി.), കെ യു യതീന്ദ്രന്‍(ജന.സെക്ര.), കെ യു അനില്‍കുമാര്‍, ബിന്ദു സജിത്ത് കുമാര്‍(ജോ.സെക്ര.), കെ മോഹനന്‍(ട്രഷറര്‍) എന്നിവരെ തിരഞ്ഞെടുത്തു.
Latest
ബട്‌ലറുടെ ഒറ്റയാന്‍ പോരാട്ടം ; കൊല്‍ക്കത്തയെ തകര്‍ത്ത് രാജസ്ഥാന്‍
താമരശ്ശേരിയില്‍ കാറുകള്‍ കൂട്ടിയിടിച്ച് ഏഴ് പേര്‍ക്ക് പരുക്ക്; ഒരാളുടെ നില ഗുരുതരം
മാസപ്പടി കേസ്; സിഎംആര്‍എല്ലിന്റെ ഹരജിയില്‍ കമ്പനികാര്യ മന്ത്രാലയത്തിന് നോട്ടീസ് നല്‍കി ഡല്‍ഹി ഹൈക്കോടതി
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
