Wayanad
ജില്ലാ പഞ്ചായത്ത് പ്രസിഡന്റായി കെ വി ശശി സ്ഥാനമേറ്റു
കല്‍പ്പറ്റ: വയനാട് ജില്ലാ പഞ്ചായത്തിന്റെ പുതിയ പ്രസിഡന്റായി കെ വി ശശി സ്ഥാനമേറ്റു. ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങില്‍ വരണാധികാരി കൂടിയായ ജില്ലാ കലക്ടര്‍ കെ ഗോപാലകൃഷ്ണഭട്ട് സത്യവാചകം ചൊല്ലിക്കൊടുത്തു.
മുന്‍ ജില്ലാ പഞ്ചായത്ത് പ്രസിഡന്റ് കെ എല്‍ പൗലോസ്, ബ്ലോക്ക് പഞ്ചായത്ത് പ്രസിഡന്റുമാരായ സി അബ്ദുല്‍ അഷ്‌റഫ്, വത്സാ ചാക്കോ, എ എസ് വിജയ, ഗ്രാമപഞ്ചായത്ത് പ്രസിഡന്റുമാര്‍, ത്രിതല പഞ്ചായത്ത് ഭാരവാഹികള്‍, രാഷ്ട്രീയപാര്‍ട്ടി പ്രതിനിധികള്‍, ജനപ്രതിനിധികള്‍ തുടങ്ങിയവര്‍ ചടങ്ങില്‍ സംബന്ധിച്ചു.39 കാരനായ കെ വി ശശി പഴൂര്‍ കഴമ്പ്കുന്ന് സ്വദേശിയാണ്. ജില്ലാ പഞ്ചായത്തില്‍ സുല്‍ത്താന്‍ ബത്തേരി ഡിവിഷനെയാണ് പ്രതിനിധീകരിക്കുന്നത്.സജിതയാണ് ഭാര്യ.സുല്‍ത്താന്‍ ബത്തേരി ടെക്‌നിക്കല്‍ ഹൈസ്‌കൂളിലെ ഒമ്പതാംതരം വിദ്യാര്‍ഥിയായ ജിതേഷ്, പഴൂര്‍ എ യു പി സ്‌കൂളിലെ 5 -ാം തരം വിദ്യാര്‍ഥിനി സ്വാതി എന്നിവര്‍ മക്കളാണ്. കാര്‍ഷിക മേഖലയിലെ പ്രശ്‌നം,ജില്ലയിലെ നിര്‍മാണ മേഖലയിലെ പ്രതിസന്ധി എന്നിവക്ക് മുന്‍ഗണന നല്‍കുമെന്ന് ജില്ലാ പഞ്ചായത്ത് പ്രസിഡന്റ് കെ ലി ശശി. പ്രസ് ക്ലബിന്റെ മീറ്റ്ദപ്രസ് പരിപാടിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം. കേന്ദ്ര-സംസ്ഥാന ഫണ്ടുകള്‍ ഉപയോഗിച്ച് ജില്ലയുടെ സമഗ്രവികസനത്തിനായി പ്രയത്‌നിക്കുമെന്നും അദ്ദേഹം പറഞ്ഞു.
Latest
കൊല്ലം ഒരു വികാരമാണ് ,വിജയം സുനിശ്ചിതം ; എം മുകേഷ്
വയനാട്ടില്‍ വോട്ട് പിടിക്കാന്‍ വീണ്ടും ഭക്ഷ്യക്കിറ്റ് ; ബിജെപി പ്രാദേശിക നേതാവിന്റെ വീട്ടില്‍ നിന്ന് ഭക്ഷ്യക്കിറ്റ് പിടികൂടി
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
