Thiruvananthapuram
മന്ത്രിയെ മര്‍ദിച്ചയാള്‍ക്കെതിരെ കേസെടുക്കണമെന്നാവശ്യപ്പെട്ട് പരാതി
തിരുവനന്തപുരം: മന്ത്രി കെ ബി ഗണേഷ് കുമാറിനെ വീട്ടില്‍ കയറി മര്‍ദിച്ചയാള്‍ക്കെതിരെ കേസെടുക്കണമെന്ന് ആവശ്യപ്പെട്ട് പോലീസില്‍ പരാതി. കേരള കോണ്‍ഗ്രസ് പി സി തോമസ് വിഭാഗം നേതാവ് എ എച്ച് ഹഫീസാണ് തിരുവനന്തപുരം മ്യൂസിയം പോലീസ് സ്റ്റേഷനില്‍ പരാതി നല്‍കിയത്. മര്‍ദിച്ചു എന്ന വാര്‍ത്ത ശരിയാണെങ്കില്‍ മര്‍ദിച്ചയാള്‍ക്കെതിരെ കേസെടുക്കണമെന്ന് ആവശ്യപ്പെട്ടാണ് പരാതി.
മന്ത്രിയെ മര്‍ദിച്ചുവെന്ന വാര്‍ത്ത മനോവേദനയുണ്ടാക്കിയെന്ന് പരാതിയില്‍ പറയുന്നു. വാര്‍ത്ത ശരിയല്ലെങ്കില്‍ തെറ്റായ വിവരം മാധ്യമങ്ങള്‍ക്ക് നല്‍കി സംസ്ഥാന മന്ത്രിക്ക് അപകീര്‍ത്തിയുണ്ടാക്കിയ സര്‍ക്കാര്‍ ചീഫ് വിപ്പ് പി സി ജോര്‍ജിനെതിരെ നടപടി സ്വീകരിക്കണമെന്നും പരാതിയില്‍ ആവശ്യപ്പെടുന്നു.
പി സി തോമസിന്റെ പാര്‍ട്ടിയുടെ കര്‍ഷക വിഭാഗം സംസ്ഥാന ജനറല്‍ സെക്രട്ടറിയാണ് ഹഫീസ്. പരാതിയുടെ പകര്‍പ്പ് ഡി ജി പിക്കും മനുഷ്യാവകാശ കമ്മീഷനും ഹൈക്കോടതിക്കും നല്‍കിയിട്ടുണ്ട്. പരാതി ഇന്നലെ വൈകിട്ട് പോലീസ് സ്വീകരിച്ചെങ്കിലും കേസ് റജിസ്റ്റര്‍ ചെയ്തിട്ടില്ല.
Latest
മണ്ണു നീക്കുന്നതിനിടെ സ്റ്റീല്‍ ബോംബ് കണ്ടെയ്‌നര്‍ കണ്ടെത്തി
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
ജെ എസ് സിദ്ധാര്‍ത്ഥന്റെ മരണം: കേസ് സി ബി ഐ കോടതിയിലേക്ക് മാറ്റി
